/5e8c71441d458_1586262300_medium.jpg)
- 2020-04-07 12:35:46
- បាល់ទាត់
Shaw៖ បើបានលេងជាមួយ Zlatan បើមិនប្រយ័ត្នដឹងតែរឿងធំហើយ
- 2020-04-07 12:35:46
- ចំនួនមតិ 0 | ចំនួនចែករំលែក 0
Shaw៖ បើបានលេងជាមួយ Zlatan បើមិនប្រយ័ត្នដឹងតែរឿងធំហើយ
ចន្លោះមិនឃើញ
ខ្សែការពារស្លាបក្លឹប Manchester United កីឡាករ Luke Shaw បាននិយាយរៀបរាប់បទពិសោធន៍កាលពីខ្សែប្រយុទ្ធ Zlatan Ibrahimovicនៅលេងជាមួយក្លឹបរបស់ខ្លួននាពេលថ្មីៗនេះថា នៅពេលក្នុងទីលានហ្វឹកហាត់គេតឹងតែងណាស់ ប្រសិនជាអ្នកនៅក្នុងក្រុមជាមួយគេ ហើយក្រុមនោះចាញ់ អ្នកច្បាស់ជាមានបញ្ហាធំជាមិនខាន។
Shaw បាននិយាយថា ៖ " ខ្ញុំគិតថា ពួកយើងចូលចិត្ត Zlatanនៅពេលគេក្នុងបន្ទប់ផ្លាស់សំលៀកបំពាក់ ដោយសារតែគេចូលចិត្តកំប្លុកកំប្លែងច្រើន ម្យ៉ាងវិញទៀតទោះបីជាគេមានអាយុច្រើនក្ដី តែគេជាកីឡាករមួយដែលមានទេពកោសល្យនៅទីនោះ " ។
ខ្សែការពារស្លាបរូបនេះបាននិយាយបន្តថា ៖ " នៅក្នុងទីលានហ្វឹកហាត់វិញ Zlatan តឹងតែងណាស់ ដោយសារតែគេមិនសប្បាយចិត្តទេ នៅពេលចាញ់ទោះជាការហ្វឹកហាត់នោះមិនសំខាន់ប៉ុណ្ណាក៏ដោយ ប្រសិនជាអ្នកនៅក្នុងក្រុមជាមួយគេ ហើយក្រុមនោះចាញ់ អ្នកច្បាស់ជាមានបញ្ហាធំជាមិនខាន ទោះជាយ៉ាងណាខ្ញុំគិតថាអ្នកនៅក្នុងក្លឹបទាំងអស់ស្រលាញ់ចូលចិត្តគេ " ។
គួរបញ្ជាក់ផងដែរថា ខ្សែប្រយុទ្ធ Zlatan Ibrahimovic បានមកលេងឲ្យក្លឹប Manchester United កាលពីឆ្នាំ ២០១៦រហូតដល់ឆ្នាំ ២០១៨ ដោយចូលលេងបាន ៥៣ប្រកួតនិងរកគ្រាប់បាល់បាន ២៩គ្រាប់៕
