- 2020-04-06 01:51:26
- បាល់ទាត់
Ancelotti មានមហិច្ឆតាយក James និង Bale មក Everton ទាំងពីរនាក់
- 2020-04-06 01:51:26
- ចំនួនមតិ 0 | ចំនួនចែករំលែក 0
Ancelotti មានមហិច្ឆតាយក James និង Bale មក Everton ទាំងពីរនាក់
ចន្លោះមិនឃើញ
លោក Carlo Ancelotti បានបង្ហាញមហិច្ឆតាគ្រោងទិញយក Gareth Bale និង James Rodriguez មកចូលរួមជាមួយ Everon។
អ្នកចាត់ការសញ្ជាតិអ៊ីតាលីមានបំណងចង់ឲ្យ Everton ក្លាយជាក្រុមខ្លាំងមួយស្ថិតនៅលំដាប់ក្រុមដែលប្រជែងយកពាន Premier League។ Real Madrid ក៏សិក្សាផងដែរ ប្រសិនបើមានការស្នើណាមួយសមរម្យសម្រាប់កីឡាករទាំងពីរ។
Ancelotti ធ្លាប់ធ្វើការជាមួយ James និង Bale អំឡុងពេលលោកនៅដឹកនាំ Madrid។ បុរសវ័យ៦០ឆ្នាំចង់បាន James តាំងតែលោកនៅជាអ្នកចាត់ការរបស់ Bayern Munich មកម្ល៉េះ។ Rodriguez បានបញ្ចប់ការខ្ចីជើងរយៈពេល២ឆ្នាំពី Bayern កាលពីរដូវក្ដៅមុន ប៉ុន្តែបច្ចុប្បន្នហាក់ដូចពិបាកដណ្ដើមជម្រើសដំបូងនៅ Madrid។
Ancelotti ដឹងថាវាពិតជាពិបាកក្នុងការបញ្ចុះបញ្ចូល Bale ឲ្យផ្លាស់ទៅ Goodison Park។ តែលោកសង្ឃឹមនឹងអាចចុះកុងត្រាយកកីឡាករទាំងពីរបានជាមួយគ្នា ខណៈ Bale សល់កិច្ចសន្យារយៈពេល២ឆ្នាំទៀតជាមួយ Real។ Bale ធ្លាប់បង្ហាញអារម្មណ៍ជារឿយៗមិនចង់ចេញពី Real ទោះបីត្រូវអង្គុយនៅកៅអីបម្រុងក៏ដោយ៕