- 2019-12-27 06:14:44
- កីឡាផ្សេងៗ
ស៊ីម ស្រស់ ឈ្នះមេដាយសំរឹទ្ធមែន ប៉ុន្តែពេញចិត្តនូវអ្វីដែលខ្លួនធ្វើបាន
- 2019-12-27 06:14:44
- ចំនួនមតិ 0 | ចំនួនចែករំលែក 0
ស៊ីម ស្រស់ ឈ្នះមេដាយសំរឹទ្ធមែន ប៉ុន្តែពេញចិត្តនូវអ្វីដែលខ្លួនធ្វើបាន
ចន្លោះមិនឃើញ
យុវជនវ័យក្មេងមកពីកំពង់ឆ្នាំង ស៊ីម ស្រស់ ថាការប្រកួតជើងឯកថ្នាក់ជាតិកីឡាកាយសម្ព័ន្ធឆ្នាំ ២០១៩ នេះខ្លួនឈ្នះមេដាយសំរឹទ្ធ១គ្រឿង ប៉ុន្តែនិយាយពីអារម្មណ៍សប្បាយចិត្តខ្លាំងព្រោះខ្លួនអាចធ្វើបាន។
យុវជនវ័យ ១២ឆ្នាំ ខាងលើនេះបានឲ្យដឹងថា រូបគេបានចូលរួមកម្មវិធីជើងឯកថ្នាក់ជាតិ និងពានរង្វាន់ ថោង ខុន នេះបាន២លើកមកហើយ កាលពីឆ្នាំមុនឈ្នះមេដាយសំរឹទ្ធ១គ្រឿង ខណៈឆ្នាំនេះក៏ឈ្នះមេដាយសំរឹទ្ធ១ទៀតដដែល។
កីឡាកររូបនេះបន្តប្រាប់ទៀតថា ត្រឹមមេដាយសំរឹទ្ធមែន ប៉ុន្តែវាមានន័យនិងធ្វើឲ្យខ្លួនសប្បាយចិត្តជាខ្លាំង ព្រោះត្រូវប្រជែងជាមួយបេក្ខភាពជាច្រើនទម្រាំឈ្នះមេដាយនេះ។ បើទោះជាឈ្នះមែនប៉ុន្តែខ្លួនបានឆ្លងកាត់ការលំបាកជាច្រើន នៅលើឧបករណ៍ប្រឡងផ្សេងៗបើធ្វើមិនប្រយ័ត្នទេគឺអាចនឹងជួបបញ្ហារបួសហើយ។ ក្ដីស្រមៃរបស់យុវជនកាយសម្ព័ន្ធម្នាក់នេះនៅពេលខាងមុខចង់ក្លាយជាកីឡាករជម្រើសជាតិ។
រំលឹកដែរថា សហព័ន្ធកីឡាកាយសម្ព័ន្ធកម្ពុជារៀបចំការប្រកួតជើងឯកថ្នាក់ជាតិ និងពានរង្វាន់ ថោង ខុន លើកទី៣ នេះចាប់តាំងពីថ្ងៃទី១៩ ដល់ ២៤ ខែធ្នូ ២០១៩ នៅពហុកីឡដ្ឋានជាតិ។ ក្នុងនោះមានក្លឹបរាជធានី ខេត្តចំនួន៤ និងសរុបអត្តពលិក ៦៤នាក់៕