- 2018-12-04 02:09:36
- កីឡាផ្សេងៗ
វៃ ភត្រា ក្ដីស្រមៃរបស់ខ្លួនមិនទាន់សម្រេចទេ គឺចង់ឈ្នះមេដាយកម្រិតអន្តរជាតិជូនកម្ពុជា
- 2018-12-04 02:09:36
- ចំនួនមតិ 0 | ចំនួនចែករំលែក 0
វៃ ភត្រា ក្ដីស្រមៃរបស់ខ្លួនមិនទាន់សម្រេចទេ គឺចង់ឈ្នះមេដាយកម្រិតអន្តរជាតិជូនកម្ពុជា
ចន្លោះមិនឃើញ
ម្ចាស់មេដាយមាសថ្នាក់ជាតិ ២គ្រឿង វៃ ភត្រា ក្ដីស្រមៃរបស់ខ្លួនមិនទាន់សម្រេចទេ បើទោះជាសមត្ថភាពខ្លាំងក្នុងប្រទេសបែបនេះក៏ដោយ ព្រោះមិនទាន់បានឈ្នះមេដាយកម្រិតអន្តរជាតិជូនប្រទេសជាតិ និងសហព័ន្ធរបស់ខ្លួន។
កីឡាករវ័យ១៨ឆ្នាំ ខាងលើនេះប្រាប់ឲ្យដឹងថា ក្ដីស្រមៃធំបំផុតរបស់ខ្លួននោះគឺចង់ឈ្នះមេដាយជូនប្រទេសជាតិ ហើយប្ដេជ្ញាថានឹងខំប្រឹងប្រែងហ្វឹកហាត់បន្ថែមទៀត ដើម្បីឲ្យមានឱកាសសម្រេចបំណងមួយនេះ។
ភត្រា បន្ថែមទៀតថា បើទោះជាឈ្នះមេដាយច្រើនគ្រឿងក្នុងប្រទេសដូចនេះក៏ដោយ ប៉ុន្តែមិនទាន់អាចប្រកួតប្រជែងជាមួយកីឡាករបរទេស ឬលើឆាកអន្តរជាតិនោះឡើយ។ ពោលបើបានចេញទៅហ្វឹកហាត់នៅក្រៅប្រទេសបន្ថែមទៀត ជឿជាក់ថាសមត្ថភាពរឹតតែរីកចម្រើន ហើយនឹងមានឱកាសប្រជែងយកមេដាយបាន។ យុវជនប្រកួតតំណាងខេត្តតាកែវ រូបនេះ បញ្ជាក់ផងដែរថា នៅឆ្នាំថ្មីនេះប្រហែលបានចេញទៅហ្វឹកហាត់នៅក្រៅប្រទេសហើយ។
បញ្ជាក់ដែរថា វៃ ភត្រា ជាកីឡាករកាយសម្ព័ន្ធ ខាងផ្នែក Articstic បូកទាំងការប្រកួតជើងឯកថ្នាក់ជាតិឆ្នាំ២០១៨ ទើបបញ្ចប់ចុងខែវិច្ឆិកានេះ គឺធ្លាប់ឈ្នះមេដាយមាសចំនួន ៦គ្រឿង មកហើយ។ យុវជនឆ្នើមម្នាក់នេះហ្វឹកហាត់កីឡាកាយសម្ព័ន្ធអស់រយៈពេល៥ឆ្នាំមកហើយ៕