- 2018-11-27 04:35:21
- កីឡាផ្សេងៗ
ការប្រកួតជ្រើសរើសជើងឯកកាយសម្ព័ន្ធឆ្នាំនេះ ជាការរើសយុវជនឆ្នើមត្រៀម ឆ្នាំ ២០២៣
- 2018-11-27 04:35:21
- ចំនួនមតិ 0 | ចំនួនចែករំលែក 0
ការប្រកួតជ្រើសរើសជើងឯកកាយសម្ព័ន្ធឆ្នាំនេះ ជាការរើសយុវជនឆ្នើមត្រៀម ឆ្នាំ ២០២៣
ចន្លោះមិនឃើញ
សម្រាប់ការប្រកួតជ្រើសរើសជើងឯកជាតិឆ្នាំ២០១៨ នេះ គឺផ្ដោតសំខាន់បំផុតស្វែងរកយុវជនថ្នាលឆ្នើមៗ ត្រៀមចេញទៅហ្វឹកហាត់នៅក្រៅប្រទេសផង និងជាធនធានត្រៀមពេលកម្ពុជាធ្វើម្ចាស់ផ្ទះស៊ីហ្គេមផងដែរ។
លោក ណយ ផាន់ណា បានឲ្យដឹងថា សម្រាប់ការប្រកួតនេះមានកីឡាករ កីឡាការិនីចូលរួមចំនួន ៧៤នាក់ ហើយប្រកួតលើ ១៣ វិញ្ញាសា គឺ Aerobic ៥វិញ្ញាសា និង Artistic ៨វិញ្ញាសា។ ដោយឡែកការប្រកួតបានបញ្ចប់លើវិញ្ញាសាមួយចំនួនហើយ តាមការសង្កេតឃើញថា មានដំណើរការល្អ ទាំងសមត្ថភាពសមស្របទៅតាមបច្ចេកទេសត្រឹមត្រូវ ហើយមានសុវត្ថិភាពល្អមានបញ្ហាអ្វីឡើយ។
អគ្គលេខាធិការខាងលើនេះបន្តថា សហព័ន្ធរបស់លោកគឺផ្ដោតលើក្មេងៗជាចម្បង ព្រោះត្រូវរៀបជើងព្រួលឲ្យបានល្អ ទាំងសមត្ថភាពរបស់ពួកគេ អាយុរបស់កីឡាករ កីឡាការិនីទាំងនោះ ត្រឹមត្រូវគ្រប់អាចចូលរួមប្រកួតប្រជែងបាននៅឆ្នាំ ២០២៣ នៅពេលកម្ពុជាធ្វើម្ចាស់ផ្ទះស៊ីហ្គេម។ ក្រៅនេះទៀតសហព័ន្ធប្រកួតនេះដើម្បីស្វែងរកកីឡាករ កីឡាការិនីឆ្នើម ២០នាក់ ទៅហ្វឹកហាត់រយៈពេលវែងនៅប្រទេសចិន និងកូរ៉េខាងត្បូងផងដែរ។
រំលឹកដែរថា សហព័ន្ធកីឡាកាយសម្ព័ន្ធកម្ពុជាចាប់ផ្ដើមប្រកួតជ្រើសរើសជើងឯកជាតិ ពានរង្វាន់បណ្ឌិត ថោង ខុន លើកទី២ នេះចាប់ពីថ្ងៃទី២៤ ដល់ ២៩ ខែវិច្ឆិកា ២០១៨។ ការប្រកួតនេះកំពុងធ្វើឡើងនៅក្នុងកន្លែងហ្វឹកហាត់កីឡាកាយសម្ព័ន្ធ ឯពហុកីឡដ្ឋានជាតិ៕
