_medium.jpg)
- 2017-12-13 07:43:00
- បាល់ទាត់
ឃីម ឌីម៉ា៖ ទទួលស្គាល់ថាសមត្ថភាពឥលូវធ្លាក់មិនដូចមុន
- 2017-12-13 07:43:00
- ចំនួនមតិ 0 | ចំនួនចែករំលែក 0
ឃីម ឌីម៉ា៖ ទទួលស្គាល់ថាសមត្ថភាពឥលូវធ្លាក់មិនដូចមុន
ចន្លោះមិនឃើញ
ជើងខ្លាំងរបស់កម្ពុជានិងជាម្ចាស់មេដាយមាសស៊ីហ្គេមឆ្នាំ២០១៧ ឃីម ឌីម៉ា ថា ឥលូវនេះសមត្ថភាពហាក់ដូចជាធ្លាក់បន្តិច បើទោះឡើងប្រកួតប៉ុន្មានប្រកួតមកនេះក្ដី តែនៅមិនទាន់ដូចមុនទេ។
ឃីម ឌីម៉ា បានឲ្យដឹងថា បើនិយាយពីការប្រកួត២លើកចុងក្រោយនេះ រូបគេពិតជាខំប្រឹងប្រកួតអស់ហើយ មិនថាពេលវ៉ៃនៅកម្មវិធី Khmer-Thai Fight ឬប្រដាល់គុនខ្មែរអន្តរជាតិសប្ដាហ៍មុននោះទេ ហើយបើប្រៀបធៀបសមត្ថភាពពេលនេះហាក់ធ្លាក់មិនដូចមុនទេ។
ទាក់ទិននឹងបញ្ហានេះម្ចាស់ខ្សែក្រវាត់២ស្ថាប័នខាងលើបញ្ជាក់ថា វាពិបាកថាមកពីកត្តាមួយណាដែរ អាចថារបួសដៃទើបជាសះស្បើយមិនទាន់អាចប្រើបានល្អ ឬអាចថាមកពីសុខភាពមួយរយៈនេះមិនសូវអំណោយផល រួមនឹងហ្វឹកហាត់មិនបានគ្រប់គ្រាន់ក៏ថាបានដែរ ព្រោះក្រោយកម្មវិធី Khmer-Thai Fight រួចមក ក៏ឆ្លៀតសម្រាកបន្តិចទៅ។ បើទោះជាមានបញ្ហាបន្តិចបន្តួចដូចនេះក្ដីតែជើងខ្លាំងមកពីខេត្តបន្ទាយមានជ័យរូបនេះនឹងខំប្រឹងឡើងវិញផងដែរ។
កីឡាករ ឃីម ឌីម៉ា បន្ទាប់ពីឈ្នះខ្សែក្រវាត់ចុងក្រោយនៅសង្វៀន CNC ហើយរបួសដៃស្ដាំកន្លងមក សមត្ថភាពរបស់គេហាក់ធ្លាក់ចុះតែម្ដងពោលរូបគេផ្អាកឡើងសង្វៀនរហូតដល់ចេញទៅស៊ីហ្គេមលើកទី២៩នៅឯប្រទេសម៉ាឡេស៊ី។ តាំងពីស៊ីហ្គេមកន្លងមកអ្នកប្រដាល់រូបនេះទើបឡើងសង្វៀនបាន២ប្រកួតប៉ុណ្ណោះហើយបានត្រឹមឈ្នះពិន្ទុទាំងពីរលើក៕
