- 2017-10-31 01:38:35
- វិភាគ
គ្រូ U-19 កម្ពុជា ថាតំបន់ប្រយុទ្ធត្រូវពង្រឹងបន្ថែមព្រោះសមត្ថភាពឥលូវនៅមានកម្រិត
- 2017-10-31 01:38:35
- ចំនួនមតិ 0 | ចំនួនចែករំលែក 0
គ្រូ U-19 កម្ពុជា ថាតំបន់ប្រយុទ្ធត្រូវពង្រឹងបន្ថែមព្រោះសមត្ថភាពឥលូវនៅមានកម្រិត
ចន្លោះមិនឃើញ
គ្រូជម្រើសជាតិ U-19 កម្ពុជា ថាត្រូវតែកែប្រែងនិងអភិវឌ្ឍឡើងវិញជាពិសេសតំបន់ប្រយុទ្ធ ព្រោះធ្វើមិនបានល្អសោះនាការប្រកួតជម្រុះសន្សំពិន្ទុតាមពូល G នៃពានរង្វាន់ AFC U19 Championship កន្លងទៅប៉ុន្មានថ្ងៃមុននេះ។
លោក Inoue Kazunori គ្រូបង្វឹកជម្រើសជាតិ U-19 កម្ពុជាបានឲ្យដឹងថា លោកពិតជាអរគុណ និងកោតសរសើរដល់ការខំប្រឹងលេងរបស់កូនក្រុមអស់ពីសមត្ថភាពនាពេលកន្លងមក ជាពិសេសការប៉ះជាមួយប្រទេសហ្វីលីពីនចុងក្រោយតែម្ដង។ បើទោះជាមានការខំប្រឹងដូចនេះក៏ដោយ ប៉ុន្តែកីឡាករលេងមិនទាន់បានល្អនោះទេ នៅមានចំណុះខ្វះខាតនិងត្រូវពង្រឹងថែមទៀត។
គ្រូជនជាតិជប៉ុនរូបនេះបន្ថែមថា ចំណុចខ្វះខាតដែលលោកមើលឃើញនោះរួមមាន ការគ្រប់គ្រង និងបញ្ជូនបាល់នៅមិនទាន់បានល្អ ហើយការបញ្ចប់ទីក៏មិនទាន់ធ្វើបានល្អដូចគ្នា ជាក់ស្ដែងពេលប៉ះជាមួយក្រុមចិន U-19 កម្ពុជាមានឱកាសច្រើនតែធ្វើមិនបានសម្រេច ខណៈជំនួបជាមួយហ្វីលីពីនក៏ដូចគ្នាដែរ។ និយាយជារួមសមត្ថភាពពួកគេនៅមានកម្រិត។ ចំណុចខ្វះខាតខាងលើទាំងប៉ុន្មាននេះ លោកត្រូវតែកែប្រែ និងពង្រឹងបន្ថែមទៀតដល់កូនក្រុមរបស់លោក បើមិនដូច្នោះទេប្រកួតសំខាន់ក្រោយៗទៀតនៅតែដដែល។
ក្រុម U-19 កម្ពុជា បានត្រឹមលេខ២ក្នុងពូលតែប៉ុណ្ណោះ ក្រោយ៣ប្រកួត ចាញ់១ ឈ្នះ១ និងស្មើ១ មាន៤ពិន្ទុនៃការប្រកួតជម្រុះពូល G នៃពានរង្វាន់ AFC U19 Championship ដែលបញ្ចប់ទៅកាលពីថ្ងៃទី២៨ ខែតុលា កន្លងទៅនេះ៕