- 2017-10-16 01:25:31
- ព័ត៌មាន
កម្ពុជាអាចនឹងមានទូរទស្សន៍កីឡាសម្រាប់ស៊ីហ្គេម២០២៣
- 2017-10-16 01:25:31
- ចំនួនមតិ 0 | ចំនួនចែករំលែក 0
កម្ពុជាអាចនឹងមានទូរទស្សន៍កីឡាសម្រាប់ស៊ីហ្គេម២០២៣
ចន្លោះមិនឃើញ
ទូរទស្សន៍កីឡាមួយសម្រាប់ប្រទេសកម្ពុជាអាចនឹងកើតមានសម្រាប់ផ្សព្វផ្សាយព្រឹត្តិការណ៍កីឡាស៊ីហ្គេមឆ្នាំ២០២៣ឲ្យបានទូលំទូលាយដែលកម្ពុជាទទួលធ្វើជាម្ចាស់ផ្ទះ។ នេះបើតាមការឲ្យដឹងពីឯកឧត្តម ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា។
ក្នុងពិធីបិទវគ្គសិក្សាស្តីពី«អភិបាលកិច្ចល្អ គណនេយ្យភាព និងសារព័ត៌មានកីឡា»កាលពីថ្ងៃទី១៤ ខែតុលាកន្លងទៅនេះ ឯកឧត្តម ថោង ខុនបានឲ្យដឹងថា កម្ពុជាអាចនឹងមានទូរទស្សន៍កីឡាមួយសម្រាប់កីឡាស៊ីហ្គេមឆ្នាំ២០២៣ដែលកម្ពុជាទទួលធ្វើម្ចាស់ផ្ទះ។ យ៉ាងណា ឯកឧត្តមមិនបានលំអិតជុំវិញការបង្កើតពិតប្រាកដយ៉ាងនោះទេ ប៉ុន្តែឯកឧត្តមបញ្ជាក់ថា ចាំពិភាក្សាគ្នាជាមួយក្រសួងព័ត៌មាន និងគណៈកម្មាធិការជាតិអូឡាំពិកកម្ពុជា ក៏ដូចជាក្រសួងអប់រំ យុវជន និងកីឡាដើម្បីពិនិត្យមើលលទ្ធភាពដែលទៅរួចសម្រាប់ការបង្កើតទូរទស្សន៍កីឡាសម្រាប់ស៊ីហ្គេមឆ្នាំ២០២៣។
កម្ពុជាត្រូវទទួលភារកិច្ចធំសម្រាប់រៀបចំធ្វើម្ចាស់ផ្ទះព្រឹត្តិការណ៍កីឡាតំបន់អាស៊ីអាគ្នេយ៍ ឬស៊ីហ្គេមឆ្នាំ២០២៣ដែលនេះជាលើកដំបូងសម្រាប់ទឹកដីកម្ពុជា ខណៈពេលនេះកម្ពុជាកំពុងដុតដៃជើងយ៉ាងខ្លាំងទាំងផ្នែកធនធានមនុស្ស និងហេដ្ឋារចនាសម្ព័ន្ធ។
