- 2017-09-18 07:23:48
- បាល់ទាត់
គ្រូប៉ូលិសផ្ដល់ដំបូន្មានដល់កីឡាករ រដូវភ្ជុំកុំពិសាគ្រឿងស្រវឹងច្រើនពេក ព្រោះ...
- 2017-09-18 07:23:48
- ចំនួនមតិ 0 | ចំនួនចែករំលែក 0
គ្រូប៉ូលិសផ្ដល់ដំបូន្មានដល់កីឡាករ រដូវភ្ជុំកុំពិសាគ្រឿងស្រវឹងច្រើនពេក ព្រោះ...
ចន្លោះមិនឃើញ
លោក នុត សូនី គ្រូបង្វឹកក្លឹបប៉ូលិសយល់ឃើញថា កីឡាករបាល់ទាត់ភាគច្រើនចេះបរិភោគសារធាតុស្រវឹង ដូច្នេះដើម្បីជាការដាស់តឿនលោកសំណូមពរកីឡាករទាំងអស់កុំពិសាវាច្រើនហួសកំណត់ក្នុងកំឡុងបុណ្យភ្ជុំបិណ្ឌនេះ ពីព្រោះវាអាចប៉ះពាល់ដល់ការប្រមូលកម្លាំងមកវិញ។
គ្រូបង្វឹករូបនេះបាននិយាយថា ការពិតកីឡាករពិសាគ្រឿងស្រវឹងមិនល្អ ក្នុងនាមជាកីឡាករនៅពេលបរិភោគច្រើនវាអាចធ្វើឲ្យប៉ះពាល់ដល់ការប្រមូលកម្លាំង។ ប្រសិនបើកីឡាករទាំងអស់ពិសា វាល្មមៗបាន ហើយ ប៉ុន្តែពេលព្រឹកព្រលឹមធ្វើលំហាត់ប្រាណដោយខ្លួនឯងនោះមិនមែនជាការពិបាកក្នុងការប្រមូលកម្លាំងមកវិញឡើយ។
ចំណុចនៃការប្រមូលកម្លាំងរបស់កីឡាករមិនមានការលំបាកខ្លាំងទេ ដោយសារពូកគេមានមូលដ្ឋានគ្រឹះគ្រប់គ្រាន់។ ប៉ុន្តែលោកសូមផ្ដាំថា ហាមដាច់ខាតរាល់មុនការប្រកួត ២ ឬ ៣ ថ្ងៃ បើសិនពិសាគ្រឿងស្រវឹងលោកធានាថា កីឡាកររូបនោះនឹងគ្មានកម្លាំងលេងនៅលើទីលាន នៅពេលការប្រកួតមកដល់ ទោះមានការហ្វឹកហាត់ខ្លាំងបែបណាក៏ដោយ៕