- 2017-06-05 02:51:26
- វិភាគ
គ្រូប៉ូលិស ប្រាប់កត្តាដែល អ៊ុល រ៉ាវី មិនបានជាប់ជម្រើសជាតិ
- 2017-06-05 02:51:26
- ចំនួនមតិ 0 | ចំនួនចែករំលែក 0
គ្រូប៉ូលិស ប្រាប់កត្តាដែល អ៊ុល រ៉ាវី មិនបានជាប់ជម្រើសជាតិ
ចន្លោះមិនឃើញ
លោក នុត សូនី គ្រូបង្វឹកក្រុមប៉ូលិសប្រាប់កត្តា អ៊ុល រ៉ាវី មិនបានជាប់ជម្រើសជាតិ សម្រាប់ការប្រមូលផ្ដុំប្រកួតមិត្តភាពអន្តរជាតិជាមួយឥណ្ឌូណេស៊ីនៅថ្ងៃទី៨ ខែមិថុនា ឆ្នាំ២០១៧ នាពហុកីឡដ្ឋានជាតិវេលាម៉ោង ៦:៣០ នាទី។
គ្រូបង្វឹករូបនេះបានឲ្យដឹងថា អ៊ុល រ៉ាវី អាចលេងបាននៅតំបន់បម្រើក៏បាន ប្រយុទ្ធក៏បាន និងការពារក៏បាន ដូច្នេះរូបគេគួរតែអាចជាប់ជម្រើសជាតិ។ កត្តាមួយចំនួនដែលកីឡាកររូបនេះមានការកែប្រែ និងធ្វើបានល្អនៅពេលហ្វឹកហាត់គឺ ការបញ្ជូនបាល់ និងភាពឆ្លាតវៃនៅលើទីលាន។
លោកបញ្ជាក់ថា មុនពេលគ្រូជម្រើសជាតិលោក Leonardo Vitorino ប្រកាសឈ្មោះកីឡាករ ២៥ នាក់ចុងក្រោយលោកគិតថា អ៊ុល រាវី ប្រហែលជាអាចជាប់ជម្រើសជាតិជាមួយមិត្តរួមក្រុម ទិត្យ ឌីណា, ស៊ុន វាន់ដេត និង នួន បូរី។ ប៉ុន្តែប្រហែលមកពីបញ្ហាមួយដែល រ៉ាវី ធ្វើឲ្យគ្រូជម្រើសជាតិមិនពេញចិត្តគឺ បញ្ចេញកាយវិការខឹងមិត្តរួមក្រុម ដូចជាមិនចង់រត់ជាដើមនៅពេលក្រុមធ្វើមិនសូវបានល្អ។
ក្រុមជម្រើសជាតិបានប្រមូលផ្ដុំកាលពីថ្ងៃទី១ ខែមិថុនា ឆ្នាំ២០១៧ ហ្វឹកហាត់នៅពហុកីឡដ្ឋានជាតិ៕