- 2016-01-26 23:08:11
- បាល់ទាត់
Buffon សម្រេចចូលនិវត្តន៍ក្រោយចប់ World Cup ២០១៨
- 2016-01-26 23:08:11
- ចំនួនមតិ 0 | ចំនួនចែករំលែក 0
Buffon សម្រេចចូលនិវត្តន៍ក្រោយចប់ World Cup ២០១៨
ចន្លោះមិនឃើញ
វីរបុរសអ្នកចាំទីក្រុមសេះបង្កង់ Juventus និងក្រុមជម្រើសជាតិអ៊ីតាលី Gianluigi Buffon បានប្រកាសថានឹងចូលនិវត្តន៍ពីអាជីពបាល់ទាត់ ក្រោយចប់ព្រឹត្តិការណ៍ World Cup ឆ្នាំ២០១៨។
កីឡាករវ័យ៣៧ឆ្នាំ បានចំណាយពេលលេងបាល់ជាច្រើនឆ្នាំ និងទទួលជោគជ័យបំផុតក្នុងអាជីព ដោយជួយជម្រើសជាតិលើកពានរង្វាន់ពិភពលោកឆ្នាំ ២០០៦ នៅអាល្លឺម៉ង់ និងជួយ Juventus លើកពានក្របខ័ណ្ឌ Serie A ៦ដង។
Buffon បាននិយាយថា៖ "ខ្ញុំនឹងព្យាយាមដើម្បីបានលេងនៅ World Cup ឆ្នាំក្រោយ ហើយបន្ទាប់ពីនោះ ទៅគឺជាពេលវេលាចុងក្រោយដែលខ្ញុំត្រូវដើរចេញពីបាល់ទាត់។ ក្នុងមួយអាជីពនេះខ្ញុំធ្លាប់គិតថាខ្លួនឯងសក្ដិសមនឹងឈរលើវេទិកាដណ្ដើមពាន Ballon d'Or ប៉ុន្តែមែនទែនទៅគឺវាមិនអាចទៅរួចនោះទេ"។
អតីតកីឡាកររបស់ Parma បានផ្ទេរទៅកាន់ Juventus ក្នុងនាមជាអ្នកចាំទី មានតម្លៃខ្លួនថ្លៃបំផុតកាលពីឆ្នាំ ២០០១។ ក្រោយចំណាយពេលលើវាលស្មៅជាង២០ឆ្នាំ អតីតជ័យលាភីអ្នកចាំទីល្អបំផុតរបស់ទ្វីបអឺរ៉ុប ឆ្នាំ២០០៣រូបនេះ មានគម្រោងចូលនិវត្តន៍ក្រោយចប់ World Cup ក្នុងប្រទេសរុស្ស៊ី៕
ចុចអាន៖ Buffon ធ្លាប់ជាខ្សែបម្រើ មុនក្លាយជាកំពូលអ្នកចាំទីពិភពលោក
ប្រែសម្រួល៖ រុន វីរ៉ុត ប្រភព៖ Goal