- 2015-11-04 22:56:13
- បាល់ទាត់
Chelsea បដិសេធសំណើជាង៥០លានដុល្លារ ដែល Monaco សុំយក Mourinho ទៅដឹកនាំ
- 2015-11-04 22:56:13
- ចំនួនមតិ 0 | ចំនួនចែករំលែក 0
Chelsea បដិសេធសំណើជាង៥០លានដុល្លារ ដែល Monaco សុំយក Mourinho ទៅដឹកនាំ
ចន្លោះមិនឃើញ
ម្ចាស់ភាគហ៊ុនក្លិបបារាំង Monaco បានទម្លាយពីជំនួបចរចាដោយផ្ទាល់ជាមួយម្ចាស់ក្លិប Chelsea លោក Roman Abramovich ពីរឿងទាក់ទងនឹងការយកលោក Mourinho មកកាន់ក្របខណ្ឌ Ligue 1 តែត្រូវ Abramovich ទាមទារទឹកប្រាក់រហូត១០០លានអឺរ៉ូលើតម្លៃខ្លួនរបស់អ្នកចាត់ការទូទៅសញ្ជាតិព័រទុយហ្គាល់។
លោក Alessandro Proto អ្នកជំនួញជនជាតិអ៊ីតាលីបានរ៉ាយរ៉ាប់ពីការណាត់ជួបលោក Abramovich នៅទីក្រុងឡុងដ៍ ហើយបានដាក់សំណើចំនួន៥០លានអឺរ៉ូ (ជាង៥៤លានដុល្លារ) ដើម្បីយកលោក Mourinho តែត្រូវមហាសេដ្ឋីជនជាតិរុស្ស៊ីទាត់ចោលសំណើនោះ។
"យើងបានផ្ដល់ឲ្យ ខាងChelsea ៥០លានអឺរ៉ូ តែគូភាគីមានការទាមទាររហូត១០០លានអឺរ៉ូ ដែលតម្លៃនេះហាក់ មិនសក្ដិសមទាល់តែសោះ”។ Proto បានប្រាប់យ៉ាងដូច្នេះ។ នៅក្នុងសន្និសីទកាសែតក៏បានបញ្ជាក់ផងដែរថា សំណើចំនួន៥០លានអឺរ៉ូ ត្រូវបដិសេធក៏ព្រោះតែក្នុងកែវភ្នែកម្ចាស់ក្លិប Chelsea គឺលោក Mourinho ជាអ្នកចាត់ការទូទៅល្អបំផុតនៅក្នុងពិភពលោក។
លោក Mourinho បច្ចុប្បន្នហាក់កំពុងរងសម្ពាធខ្លាំងក្រោយដឹកនាំក្រុមចាញ់ Liverpool ក្នុងទឹកដីជាលើកដំបូង ហើយវាក៏ជាបរាជ័យលើកទី៨ហើយរបស់ Chelsea នៅគ្រប់កម្មវិធីប្រកួតក្នុងរដូវកាលនេះ៕
ចុចអាន៖ Mourinho នៅមាន២ប្រកួតទៀតដើម្បីសម្រេចអនាគតរបស់ខ្លួននៅ Chelsea
ប្រែសម្រួល៖ រុន វីរ៉ុត ប្រភព៖ Goal
