- 2015-02-24 18:09:05
- ប្រដាល់
មិនឃើញរូបនេះ មិនជឿថា ជើងខ្លាំងខ្មែរញុំាបាយបែបនេះនៅថៃ
- 2015-02-24 18:09:05
- ចំនួនមតិ 0 | ចំនួនចែករំលែក 0
មិនឃើញរូបនេះ មិនជឿថា ជើងខ្លាំងខ្មែរញុំាបាយបែបនេះនៅថៃ
ចន្លោះមិនឃើញ
បើមិនបានឃើញរូបនេះទេ លោកអ្នកប្រហែលជាមិនជឿទេថា គ្រូ និងកីឡាករកម្ពុជាទាំង៣នាក់នាំគ្នាពិសាបាយដោយខ្ចប់ស្លឹកចេក និងថងប្លាស្ទិកពេលប្រកួតនៅលើទឹកដីប្រទេសថៃកាលពីចុងសប្តាហ៍កន្លងទៅនេះ។
រូបថតមួយសន្លឹកបង្ហាញពីកីឡាករ ថៃ រិទ្ធី, ចាន់ ហេង និង វ៉ន វីវ៉ា ព្រមទាំងលោកគ្រូ ហ៊ុន ច័ន្ទរាជ បាននាំគ្នាពិសាបាយនៅលើទឹកដីប្រទេសថៃដែលជាកន្លែងពួកគេប្រកួតក្នុងព្រឹត្តិការណ៍ Full Metal Dojo។ អ្នកទាំង៤នាក់បានពិសាបាយដែលវិចខ្ចប់ដោយស្លឹកចេក និងថងប្លាស្ទិកដែលមើលទៅម្យ៉ាងដែរ ហើយម្ចាស់រូបថត Vicious Circle Academy Fighter Phnom Penh បានឲ្យដឹងថា ពោរពេញដោយសុភមង្គល។ ចំណែកការប្រកួតក៏ទទួលបានលទ្ធផលល្អ។
លទ្ធផលនៃការប្រកួតបានបង្ហាញថា ថៃ រិទ្ធីឈ្នះកីឡាករស៊ុយអែតក្នុងទឹកទី១ ហើយ ចាន់ ហេងឈ្នះពិន្ទុកីឡាករថៃ ខណៈ វ៉ន វីវ៉ាចាញ់ពិន្ទុកីឡាករថៃ៕
អត្ថបទ៖ ជាន ចាន់រ៉ា ប្រភព៖ Vicious Circle Academy Fighter Phnom Penh