- 2022-10-24 08:43:15
- ព័ត៌មាន
ពាន World Cup ធ្វើពីមាសមានតម្លៃ២០លានដុល្លារ និងធ្លាប់ផ្លាស់ប្ដូររូបរាង ២ដងក្នុងប្រវត្តិសាស្ត្រ
- 2022-10-24 08:43:15
- ចំនួនមតិ 0 | ចំនួនចែករំលែក 0
ពាន World Cup ធ្វើពីមាសមានតម្លៃ២០លានដុល្លារ និងធ្លាប់ផ្លាស់ប្ដូររូបរាង ២ដងក្នុងប្រវត្តិសាស្ត្រ
ចន្លោះមិនឃើញ
គិតចាប់តាំងពីការប្រកួតបាល់ទាត់ជើងឯកពិភពលោកលើកដំបូងនៅឆ្នាំ១៩៣០មក ពានរង្វាន់មានតែ២ប៉ុណ្ណោះត្រូវបានប្រើប្រាស់ ពានរង្វាន់ទី១ឈ្មោះ Jules Rimet ត្រូវបានប្រើពីឆ្នាំ១៩៣០ ដល់ឆ្នាំ១៩៧០ និងពានរង្វាន់ទី២ឈ្មោះ FIFA World Cup ត្រូវបានប្រើប្រាស់ពីឆ្នាំ១៩៧៤ ដល់បច្ចុប្បន្ន។
ពានរង្វាន់ទី១ឈ្មោះ Jules Rimet
ពានរង្វាន់ទី១មានឈ្មោះដើមរបស់វាគឺ «Victory មានន័យថា ជ័យជម្នះ» ប៉ុន្តែក្រោយមកត្រូវបានប្តូរជាឈ្មោះ«Jules Rimet»ដើម្បីជាកិត្តិយសដល់លោក Jules Rimet ដែលជាប្រធានសហព័ន្ធកីឡាបាល់ទាត់អន្តរជាតិ (FIFA) ទី៣ដែលកាន់តំណែងនេះបានយូរជាងគេបំផុត។ ពានរង្វាន់ដែលត្រូវបានផលិតពីមាស និងស្រោបប្រាក់នេះ ត្រូវបានចោរលួចក្នុងឆ្នាំ១៩៨៣ និងបាត់ដំណឹងសូន្យរហូតដល់ឥឡូវ។
ចំណែកពានរង្វាន់ទី២គឺ FIFA World Cup នេះត្រូវបានផលិតពីមាស ដែលមានទម្ងន់៦.១គីឡូក្រាម និងកម្ពស់៣៦.៨សង់ទីម៉ែត្រ។ វាជាពានរង្វាន់ដែលមានតម្លៃបំផុតក្នុងប្រវត្តិសាស្ត្រកីឡាក្នុងពិភពលោកដែលគិតជាប្រាក់ចំនួន២០លានដុល្លារអាមេរិក។ វាត្រូវបានផលិតដោយក្រុម Stabilimento Artistico Bertoni របស់ប្រទេសអ៊ីតាលី។ វាបង្ហាញពីម្រាមដៃមនុស្សពីរនាក់កំពុងកាន់ផែនដី។
ពានរង្វាន់ទី២ឈ្មោះ FIFA World Cup
ប្រទេសប្រេស៊ីលធ្លាប់ឈ្នះបានច្រើនដងជាងគេពោលគឺធ្លាប់គ្រង៥សម័យកាល ហើយប្រទេសអ៊ុយរូហ្គាយធ្លាប់ឈ្នះដំបូងគេបង្អស់ក្នុងឆ្នាំ១៩៣០ និងបច្ចុប្បន្នគ្រងដោយប្រទេសបារាំងបានឈ្នះកាលពីឆ្នាំ២០១៨ដែលត្រូវការពារជើងឯករបស់ខ្លួននាចុងឆ្នាំ២០២២នេះនៅប្រទេសកាតា។
ពានរង្វាន់បាល់ទាត់ពិភពលោក FIFA World Cup ធ្លាប់បានដង្ហែមកដល់ប្រទេសកម្ពុជា លើកដំបូងក្នុងប្រវត្តិសាស្ត្រនៅថ្ងៃទី១៥ ខែមិថុនា ឆ្នាំ២០២២ តាមជើងយន្តហោះពិសេស ដែលមានសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទទួលស្វាគមន៍ និងលើកពានរង្វាន់ពិភពលោកនៅវិមានសន្តិភាព រាជធានីភ្នំពេញ៕