- 2022-09-08 09:14:55
- កីឡាផ្សេងៗ
ភាពល្បីល្បាញរបស់ប្រាសាទអង្គរកំពុងអន្ទងចិត្តថ្នាក់ដឹកនាំកីឡានៅអាស៊ីឲ្យមកកម្ពុជានៅថ្ងៃមហាសន្និបាតក្រុមប្រឹក្សាអូឡាំពិក
- 2022-09-08 09:14:55
- ចំនួនមតិ 0 | ចំនួនចែករំលែក 0
ភាពល្បីល្បាញរបស់ប្រាសាទអង្គរកំពុងអន្ទងចិត្តថ្នាក់ដឹកនាំកីឡានៅអាស៊ីឲ្យមកកម្ពុជានៅថ្ងៃមហាសន្និបាតក្រុមប្រឹក្សាអូឡាំពិក
ចន្លោះមិនឃើញ
មហាសន្និបាតក្រុមប្រឹក្សាអូឡាំពិកអាស៊ី លើកទី៤១ នៅភ្នំពេញគឺកាន់តែខិតជិតមកដល់ហើយខណៈថ្នាក់ដឹកនាំកីឡាបណ្ដាប្រទេសជាង ៤០នៅអាស៊ី កំពុងបង្ហាញចំណាប់អារម្មណ៍ខ្លាំងមកចូលរួម និងចង់ទៅទស្សនាផ្ទាល់ប្រាសាទអង្គរក្នុងខេត្តសៀមរាប។
ឯកឧត្ដម វ៉ាត់ ចំរើន បានឲ្យដឹងក្រោយកិច្ចប្រជុំគណៈអចិន្ត្រៃយ៍ CAMSOC ព្រឹកមិញថា គឺជជែកពីការបែងចែកភារកិច្ច និងដោះស្រាយភាពស្រពិចស្រពិលមួយចំនួនដោយបានបញ្ជាក់រួចហើយអំពីការទទួលខុសត្រូវដូចជាហូបចុក ស្នាក់នៅ បដិសណ្ឋាកិច្ច សន្តិសុខ សុវត្ថិភាពប្រតិភូជាដើម។
អ្នកជំនាញផ្នែកកីឡាខាងលើនេះបន្ថែមទៀតថា ឥស្សរជន និងថ្នាក់ដឹកនាំដែលគ្រោងមកកម្ពុជាដើម្បីចូលរួមមហាសន្និបាតក្រុមប្រឹក្សាអូឡាំពិកអាស៊ី លើកទី៤១ មានប្រហែល ៣០០-៤០០នាក់មកពីប្រទេសចំនួន ៤៥ក្នុងទ្វីបអាស៊ី រួមនិងអូឡាំពិកអន្តរជាតិខ្លះទៀត។ គួរឲ្យកត់សម្គាល់មួយទៀតបណ្ដាឥស្សរជនទាំងនោះ បានបង្ហាញនូវទឹកចិត្តចង់មកចូលរួមតែម្ដងដើម្បីបានទៅទស្សនាផ្ទាល់ភ្នែកនៅប្រាសាទអង្គរដែលមានភាពល្បីល្បាញលើពិភពលោក ព្រោះពួកគេមិនទាន់មានឱកាសឃើញផ្ទាល់ឡើយ។ ដូច្នេះឱកាសនេះហើយដែលធ្វើឲ្យថ្នាក់ដឹកនាំកីឡានានាចង់មកឃើញភាពល្អឯកនៃប្រាសាទបុរាណខ្មែរនៅខេត្តសៀមរាប។
រំលឹកដែរថា មហាសន្និបាតក្រុមប្រឹក្សាអូឡាំពិកអាស៊ី លើកទី៤១ នេះគឺដំបូងគ្រោងធ្វើនៅប្រទេសចិននោះទេ ប៉ុន្តែដោយសារបញ្ហាកូវីដ ទើបត្រូវបានផ្លាស់ប្ដូរខណៈកម្ពុជាជាប្រទេសសមស្របទាំងសុវត្ថិភាពនយោបាយ សុវត្ថិភាពកូវីដ និងការអភិវឌ្ឍន៍ខ្លាំងលើវិស័យកីឡា។ ព្រឹត្តិការណ៍នេះនឹងធ្វើឡើងអំឡុងថ្ងៃទី១ ដល់ ទី៥ ខែតុលា ឆ្នាំ២០២២ នៅភ្នំពេញ៕