- 2022-08-17 03:09:00
- បាល់ទាត់
United បោះបង់លែងចង់បាន Rabiot ដោយសារទារថ្លៃពលកម្មខ្ពស់ពេក
- 2022-08-17 03:09:00
- ចំនួនមតិ 0 | ចំនួនចែករំលែក 0
United បោះបង់លែងចង់បាន Rabiot ដោយសារទារថ្លៃពលកម្មខ្ពស់ពេក
ចន្លោះមិនឃើញ
បំណងរបស់ Manchester United ក្នុងការចុះកុងត្រាផ្ទេរយក Andrien Rabiot ពីក្លឹប Juventus ត្រូវបានបោះបង់ បន្ទាប់ពីខ្សែបម្រើសញ្ជាតិបារាំងទាមទារថ្លៃពលកម្មខ្ពស់ពេក។
បន្ទាប់ពីលើកិច្ចព្រមព្រៀងជាមួយ Juventus ក្នុងតម្លៃខ្លួន១៥,២លានផោន កើនដល់១៩លានផោន United សង្ឃឹមខ្ពស់អាចបញ្ចុះបញ្ចូល Rabiot ផ្ទេរមកកាន់កីឡដ្ឋាន Old Traffrod។ យ៉ាងណាក្ដី ការទាមទារលក្ខខណ្ឌផ្ទាល់ខ្លួនដោយភ្នាក់ងាររបស់កីឡាករនិងជាម្ដាយ អ្នកស្រី Veronique បានធ្វើឲ្យបិសាចក្រហមបោះបង់ការចរចា។
ប្រភពជាច្រើនបានបញ្ចេញថា សំណើរបស់ United កន្លងនឹងធ្វើឲ្យ Rabiot ក្លាយជាកីឡាករទទួលថ្លៃពលកម្មខ្ពស់ជាងគេម្នាក់នៅក្នុងក្លឹប។ ប៉ុន្តែភ្នាក់ងាររបស់កីឡាករចង់បានថ្លៃពលកម្មខ្ពស់ជាងក្លឹបផ្ដល់ឲ្យ United សម្រេចចិត្តបោះបង់លែងចង់បានតែម្ដង។
Man Utd បានបង្វែរចង់បានកីឡាករវ័យ២៧ឆ្នាំ បន្ទាប់ពីពិបាកក្នុងការតាមទិញ Frenkie de Jong ពី Barcelona។ អ្នកចាត់ការរបស់ United លោក Erik ten Hag កំពុងស្វែងរកខ្សែបម្រើការពារថ្មីដើម្បីបំពេញចន្លោះក្នុងក្រុមដែលកំពុងខ្វះខាត៕