- 2022-06-22 04:08:40
- បាល់ទាត់
អុញ! ទៅមើល World Cup ឆ្នាំនេះ បើមិនមែនប្ដីប្រពន្ធ តែគេងជាមួយគ្នា ជាប់គុក៧ឆ្នាំ
- 2022-06-22 04:08:40
- ចំនួនមតិ 0 | ចំនួនចែករំលែក 0
អុញ! ទៅមើល World Cup ឆ្នាំនេះ បើមិនមែនប្ដីប្រពន្ធ តែគេងជាមួយគ្នា ជាប់គុក៧ឆ្នាំ
ចន្លោះមិនឃើញ
ច្បាប់នៅប្រទេសកាតា នឹងធ្វើឱ្យអ្នកគាំទ្រវិស័យបាល់ទាត់ពិបាកចិត្តបន្ដិចហើយ ក្នុងការទៅទស្សនាព្រឹត្តិការណ៍ FIFA World Cup 2022 នៅចុងឆ្នាំនេះ។
មានការហាមឃាត់ជាច្រើននៅប្រទេសកាតា ជាពិសេសចំពោះនារីៗតែម្ដង។ ដោយសារតែពួកគេកាន់សាសនាម៉ូស្លីម ស្ត្រីគឺមិនអាចពាក់សិចស៊ីបាននោះទេ ហើយអ្នកទៅមើលការប្រកួតផ្ទាល់ក៏ត្រូវបានហាមឃាត់មិនឱ្យពាក់សិចស៊ីផងដែរ ទោះជាពួកគេមកពីតំបន់អឺរ៉ុបឬប្រទេសណាក៏ដោយ។ មិនត្រឹមតែប៉ុណ្ណឹងទេ នៅទីសាធារណៈក៏ត្រូវបានហាមឃាត់ដូចគ្នា មិនឱ្យស្លៀកសំពត់ខ្លី ឬអាវវាលចេញសាច់បានឡើយ។
អ្វីដែលនឹងធ្វើឱ្យអ្នកគាំទ្រភាគច្រើនពិបាកចិត្តថែមទៀតនោះ គឺពួកគេមិនអាចផឹកស៊ី ជួបជុំច្រៀងរាំតាមចិត្តបានឡើយ ព្រោះវាជាអំពើរខុសច្បាប់នៅកាតា។ កាន់តែពិសេសទៀតនោះ អ្នកនឹងជាប់គុកដល់៧ឆ្នាំ ប្រសិនបើអ្នកគេងជាមួយគ្នា ដោយមិនទាន់រៀបការ ប្ដីប្រពន្ធ។ ដោយនេះ ហាក់ខុសគ្នាដូចមេឃនិងដី បើធៀបជាមួយបណ្ដាប្រទេសនៅអឺរ៉ុប។
តែទោះជាយ៉ាងនេះក្ដី គេនៅតែរំពឹងថានឹងមានអ្នកគាំទ្របាល់ទាត់ទៅទស្សនាការប្រកួតច្រើនលើសលប់ជាក់ជាមិនខាន ព្រោះបញ្ហាកូវីដបានធ្វើឱ្យខកខានព្រឹត្តិការណ៍ធំដែលមានអ្នកគាំទ្រអាចចូលទស្សនាបានច្រើនយូរមកហើយ។ មួយវិញទៀត ម្ចាស់ផ្ទះកាតាក៏បានរៀបចំ អ្វីដែលពិសេសៗមិនធ្លាប់មានពីមុនមកច្រើនផងដែរ ឱ្យអ្នកគាំទ្របានឃើញ ដូចជាកីឡដ្ឋានដាក់ម៉ាស៊ីនត្រជាក់ជាដើម៕