- 2022-05-12 02:05:08
- បាល់ទាត់
De Bruyne អបអរតាមស្ទីលរបស់ Haaland អំឡុងពេលរកបាន៤គ្រាប់ម្នាក់ឯងឲ្យ City
- 2022-05-12 02:05:08
- ចំនួនមតិ 0 | ចំនួនចែករំលែក 0
De Bruyne អបអរតាមស្ទីលរបស់ Haaland អំឡុងពេលរកបាន៤គ្រាប់ម្នាក់ឯងឲ្យ City
ចន្លោះមិនឃើញ
ខ្សែបម្រើប្រយុទ្ធ Kevin de Bruyne អាចរកបាន៤គ្រាប់ម្នាក់ឯងជួយ Manchester City យកឈ្នះ Wolves ៥-១ បន្តកាន់កាប់កំពូលតារាង Premier League ក្នុងសប្ដាហ៍ទី៣៦។
៤គ្រាប់របស់កីឡាករសញ្ជាតិបែលហ្ស៊ិកធ្វើបានជាប់ៗគ្នានៅនាទីទី៧ ១៦ ២៤និង៦០ ខណៈគ្រាប់ទី៥សម្រេចបានដោយខ្សែបម្រើប្រយុទ្ធ Raheem Sterling។ ចំណែកឯមួយគ្រាប់របស់ Wolves ធ្វើបានដោយខ្សែបម្រើ Leander Dendoncker។
អ្វីដែលចាប់អារម្មណ៍ De Bruyne បន្ទាប់ពីរកបានគ្រាប់ទី៣ជូនក្រុម គេបានអបអរតាមស្ទីលរបស់ Erling Haaland ដែលត្រៀមក្លាយជាកីឡាករចំណូលថ្មីរបស់ City។ ក្លឹប Man City បានប្រកាសរួចរាល់ថាបានឈានដល់កិច្ចព្រមព្រៀងទិញបាន Haaland ពីក្លឹប Dortmund ក្នុងតម្លៃ៥១លានផោន ជាមួយថ្លៃពលកម្ម៣៧,៥ម៉ឺនផោនក្នុងមួយសប្ដាហ៍។
ជ័យជម្នះនេះ Man City បន្តឈរកំពូលតារាងក្នុងលីគមាន៨៩ពិន្ទុ លើគូប្រជែង Liverpool ៣ពិន្ទុ។ ក្រុមទាំងពីរនៅសល់២ប្រកួតទៀតដែលត្រូវលេងក្នុងលីគ ហើយពួកគេត្រូវការឈ្នះដូចគ្នាមិនអាចភ្លាត់ដាច់ខាតដើម្បីប្រជែងនរណានឹងក្លាយជាជើងឯកពិតប្រាកដ៕
