- 2022-05-05 09:21:30
- កីឡាផ្សេងៗ
ឯកឧត្ដម សុខ សប្បាយណា៖ អ្នកទៅប្រកួតស៊ីហ្គេមសូមធ្វើជាគំរូល្អដល់អ្នកក្រោយៗ
- 2022-05-05 09:21:30
- ចំនួនមតិ 0 | ចំនួនចែករំលែក 0
ឯកឧត្ដម សុខ សប្បាយណា៖ អ្នកទៅប្រកួតស៊ីហ្គេមសូមធ្វើជាគំរូល្អដល់អ្នកក្រោយៗ
ចន្លោះមិនឃើញ
ឯកឧត្ដម សុខ សប្បាយណា បានផ្ដាំផ្ញើដល់ក្រុមអត្តពលិកកម្ពុជាទាំងអស់ដែលត្រូវទៅប្រកួតស៊ីហ្គេម ឯប្រទេសវៀតណាម សូមធ្វើខ្លួនជាគំរូល្អសម្រាប់អ្នកជំនាន់ក្រោយទាំងពាក្យសំដី កាយវិការជាដើម។
តំណាងក្រសួងអប់រំ យុវជន និងកីឡា ខាងលើនេះបានលើកឡើងក្នុងសិក្ខាសាលាមុនទៅស៊ីហ្គេមថា កីឡាករ កីឡាការិនីត្រូវមានការប្រុងប្រយ័ត្ន ត្រូវចាំថាត្រូវធ្វើជាគំរូដល់ជំនាន់ក្រោយ ដូច្នេះការគោរពវិន័យ សាមគ្គីផ្ទៃក្នុងប្រកាន់ឲ្យបានខ្ជាប់ខ្ជួន។
ឯកឧត្ដមបន្ថែមទៀតថា ការស្លៀកពាក់សំដីសំដៅក៏ដូច្នោះដែរមិនត្រូវធ្វើអ្វីដែលមិនសមរម្យនោះឡើយ ត្រូវចាំថាការចេញទៅប្រកួតនេះគឺមានព្រះមហាក្សត្រ មានខ្មែរ១៦លាននាក់នៅពីក្រោយផងដែរ។
រំលឹកដែរថា ក្រសួងអប់រំ យុវជន និងកីឡា បានបើកសិក្ខាសាលាស្តីពីវិន័យ និងក្រមសីលធម៌ដល់ក្រុមជម្រើសជាតិ ត្រៀមចូលរួមប្រកួតស៊ីហ្គេម លើកទី៣១ រយៈពេល២ថ្ងៃពេញ ថ្ងៃទី៣-៤ ខែឧសភា ឆ្នាំ២០២២ នៅមជ្ឈមណ្ឌលជាតិហ្វឹកហ្វឺនកីឡា៕
