Odegaard ចង់បានកំពូលខ្សែប្រយុទ្ធ Haaland មកលេងឲ្យ Arsenal

2022-04-26 13:09:22
បាល់ទាត់

2022-04-26 13:09:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Martin Odegaard បាននិយាយទៅកាន់សារព័ត៌មាន Stadium Astro នៅក្នុងថ្ងៃនេះថា បើខ្សែប្រយុទ្ធ Erling Haaland ផ្លាស់មកលេងនៅអង់គ្លេស គេគួរតែមកលេងឲ្យ Arsenal នេះហើយ។

Odegaard បាននិយាយថា៖" Haaland គេជាមនុស្សពូកែលេងសើច ជាមិត្តល្អមួយរូបរបស់ខ្ញុំ ក៏ដូចជាកំពូលកីឡាករមួយរូបផងដែរ។ យើងមានតែចាំមើលៗ គេនឹងជ្រើសរើសបែបណា តែបើគេជ្រើសរើសផ្លាស់មកកាន់អង់គ្លេស គេគួរតែផ្លាស់កាន់ Arsenal យើងនេះហើយ "។

ខ្សែបម្រើរូបនេះបន្តថា៖" និយាយទៅខ្ញុំមិនដឹងគេជ្រើសរើសទៅលេងណាទេ គ្រាន់តែដឹងថាគេជាកំពូលមនុស្សមួយ។ តាមត្រង់ទៅពួកយើងមិនដែលបាននិយាយច្រើនពីរឿងនេះនោះទេ។ ខ្ញុំដឹងថាមានមនុស្សច្រើនសួរគេ ហើយប្រាប់គេថាគួរទៅណា តែចំពោះខ្ញុំអត់ទេ។ អញ្ចឹងមានតែចាំមើលទៅ។ អ្វីដែលខ្ញុំគឺថា គេខ្លាំង លឿន ហើយមានអ្វីគ្រប់ៗទាំងអស់។ ដូច្នេះខ្ញុំគិតថា គេទៅលេងណា ប្រទេសមួយណាក៏ជោគជ័យដែរ "។

សម្រាប់រដូវកាលក្ដៅខាងមុខ Haaland ត្រូវបានក្លឹបធំៗនៅអឺរ៉ុបជាច្រើនដេញជើងគ្នាចង់បាន រីឯ Dortmund នៅតែបន្តជំហរចង់បានខ្សែប្រយុទ្ធនេះនៅបន្ត ប៉ុន្តែ Haaland វិញមិនបានបញ្ជាក់ជំហរជាផ្លូវការយ៉ាងណានោះទេ។

Haaland នៅមានកុងត្រាជាមួយនឹង Dortmund ដល់ឆ្នាំ២០២៤ ក្នុងរដូវកាលនេះគេចូលលេងបាន ២៧ប្រកួតហើយនិងស៊ុតចូល ២៥គ្រាប់៕

ប្រភព៖ Goal ប្រែសម្រួល៖ ហ៊ីម រស្មី