- 2022-03-23 02:18:12
- បាល់ទាត់
ចោរចូលផ្ទះថ្ងៃមុន Pogba បាត់មេដាយឈ្នះពាន World Cup
- 2022-03-23 02:18:12
- ចំនួនមតិ 0 | ចំនួនចែករំលែក 0
ចោរចូលផ្ទះថ្ងៃមុន Pogba បាត់មេដាយឈ្នះពាន World Cup
ចន្លោះមិនឃើញ
ខ្សែបម្រើរបស់ក្លឹប Manchester United កីឡាករ Paul Pogba បាននិយាយថា ក្រុមចោរបានលួចមេដាយឈ្នះ World Cup របស់ខ្លួន ពេលដែលពួកគេលួចចូលផ្ទះរបស់គេ។
កីឡាករសញ្ជាតិបារាំងវ័យ២៩ឆ្នាំបាននិយាយពីសុបិនអាក្រក់របស់គ្រួសារខ្លួនកាលពីសប្ដាហ៍មុន ពេលដែលផ្ទះរបស់គេត្រូវបានចោរចូល អំឡុងពេល United លេងនៅពាន Champions League ទល់នឹង Atletico Madrid។ នៅពេលនោះកូនទាំងពីរ និងមេដោះរបស់ពួកគេស្ថិតនៅក្នុងផ្ទះនោះ។
និយាយបញ្ជាក់កាលពីពេលថ្មីៗនេះ Pogba ឲ្យដឹងថា ចោរបានលួចគ្រឿងអលង្ការរបស់ម្ដាយខ្លួន និងមេដាយឈ្នះ World Cup។ ប៉ុន្តែអ្វីដែលគេបារម្ភជាងគេនោះគឺសុវត្ថិភាពរបស់កូនៗ ព្រោះតែពេលនោះគេកំពុងជាប់ភារកិច្ចលេងឲ្យបិសាចក្រហមនៅ UCL។
បារាំងបានឈ្នះពាន World Cup កាលពីឆ្នាំ២០១៨ ដោយបានយកឈ្នះក្រូអាត ៤-២ ក្នុងវគ្គផ្ដាច់ព្រ័ត្រក្នុងទីក្រុង Moscow ហើយពេលនោះ Pogba គឺជាអ្នករកបានគ្រាប់ទី៣ឲ្យបារាំង៕