Messi បាយល្ងាចជាមួយ Xavi និងអតីតមិត្តរួមក្រុម Barca កាលពីយប់មិញ នៅអេស្ប៉ាញ

2022-01-25 12:41:04
បាល់ទាត់

2022-01-25 12:41:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ Lionel Messi ត្រូវបានគេប្រទះឃើញត្រលប់ទៅកាន់ទីក្រុង Barcelona ប្រទេសអេស្ប៉ាញកាលពីយប់មិញ ដោយបានបាយល្ងាចជាមួយ លោក Xavi គ្រូបង្គោល Barca និងអតីតមិត្តរួមក្រុមនេះគឺ ខ្សែបម្រើ Sergio Busquets និងខ្សែការពារ Jordi Alba កាលពីយប់មិញ។

បើតាម The Sun ការជួបជុំគ្នាបែបនេះបានធ្វើឲ្យអ្នកគាំទ្រ និងសារព័ត៌មាននៅក្នុងស្រុកជាច្រើនភ្ញាក់ផ្អើលជាខ្លាំង ដោយថា ពួកគេនិយាយពីរឿងយក Messi ត្រលប់មកវិញ។ ប៉ុន្តែតាមពិតទៅ Messi ធ្វើដំណើរពី Paris មក Barcelona នេះគឺដើម្បីធ្វើការអបអរថ្ងៃបុណ្យកំណើតអាយុ ៤២ឆ្នាំរបស់ Xavi ប៉ុណ្ណោះជាមួយអតីតមិត្តរួមក្រុមទាំងពីរខាងលើ ក៏ដូចជាប្រពន្ធរបស់ពួកគេផងដែរ។

ខ្សែប្រយុទ្ធ PSG រូបនេះក៏ត្រូវបានគេថតជាប់នូវសកម្មភាពស៊ីញេអាវឲ្យអ្នកគាំទ្រ ដែលខំចាំជាយូរនៅក្រៅកន្លែងដែលពួកគេបានជប់លាងនោះផងដែរ។

យ៉ាងណា Messi មិនបានឆ្លើយឆ្លងទៅកាន់អ្នកកាសែតដែលរង់ចាំសួរនាំគេទេ ក្រោយពេលចាកចេញពីកម្មវិធីខាងលើនោះទេ។

Messi នឹងមិនបានចូលរួមជួយក្រុមជម្រើសជាតិអាហ្សង់ទីនរបស់ខ្លួន តទល់នឹងក្រុមជម្រើសជាតិឈីលី និងកូឡុំប៊ីខាងមុខនោះទេ ដោយសារតែទើបតែជាពីកូវីដ-១៩៕