- 2022-01-18 02:09:11
- បាល់ទាត់
Ronaldo ទទួលបានពានពិសេសមួយពីកម្មវិធី The Best
- 2022-01-18 02:09:11
- ចំនួនមតិ 0 | ចំនួនចែករំលែក 0
Ronaldo ទទួលបានពានពិសេសមួយពីកម្មវិធី The Best
ចន្លោះមិនឃើញ
Cristiano Ronaldo ទទួលបានពានពិសេសមួយឈ្មោះថា FIFA Special Award ក្នុងកម្មវិធី The Best ក្នុងនាមជាកីឡាករដែលរកបានគ្រាប់ច្រើនជាងគេឲ្យជម្រើសជាតិ។
កីឡាកររបស់ក្លឹប Manchester United ទទួលបានពានខាងលើ បន្ទាប់ពីគេបំបែកកំណត់ត្រាគ្រាប់បាល់ក្នុងជម្រើសជាតិដោយរកបាន១១៥ឲ្យព័រទុយហ្គាល់។ ម្ចាស់ពាន Ballon d’Or ៥សម័យគឺជាមនុស្សតែម្នាក់គត់ដែលទៅបង្ហាញខ្លួនទទួលពានក្នុងកម្មវិធី។
សម្រាប់ម្ចាស់ពានផ្សេងៗទៀតគេទទួលបានអនឡាញប៉ុណ្ណោះ។ ក្រោយបានពាន FIFA Special Award កីឡាករវ័យ៣៦ឆ្នាំបាននិយាយថា៖ "ជាដំបូង ខ្ញុំសូមអរគុណដល់មិត្តរួមក្រុមទាំងអស់ក្នុងក្រុមជម្រើសជាតិនៅ២០ឆ្នាំចុងក្រោយនេះ ដែលខ្ញុំធ្លាប់លេងជាមួយ។ នេះគឺជាពានដ៏ពិសេសពី FIFA ផ្ដល់ឲ្យ"។
អតីតកីឡាកររបស់ Real Madrid ក៏បានស្ថិតក្នុងបញ្ជីកីឡាករ១១នាក់ល្អបំផុតប្រចាំឆ្នាំរបស់ FIFA ផងដែរ រួមជាមួយ Lionel Messi, Erling Haalang និង Robert Lewandowski៕
