- 2022-01-10 05:40:31
- បាល់ទាត់
ម្ចាស់ពានយុវជន ៧ មករា VDC Academy បើមានការប្រកួតឆ្នាំក្រោយនឹងចូលរួមទៀត
- 2022-01-10 05:40:31
- ចំនួនមតិ 0 | ចំនួនចែករំលែក 0
ម្ចាស់ពានយុវជន ៧ មករា VDC Academy បើមានការប្រកួតឆ្នាំក្រោយនឹងចូលរួមទៀត
ចន្លោះមិនឃើញ
យុវជនក្រោមអាយុ១៥ឆ្នាំ VDC Academy School ទើបឈ្នះពានរង្វាន់ ៧ មករា ដែលរៀបចំដោយសហភាពសហព័ន្ធយុវជនកម្ពុជា រាជធានីភ្នំពេញ និងក្លឹបបាល់ទាត់បឹងកេត គឺពិតជាសប្បាយចិត្តថែមទាំងចង់ចូលរួមលើកក្រោយៗទៀតផង។
ធាវីទិត្យ មុន្នីចេស្តា តំណាងក្រុម VDC Academy School ថាការប្រកួតវគ្គផ្ដាច់ព្រ័ត្រលេខ ១-២ ជាមួយ ELT Berkeley គឺពិតជាមានភាពតានតឹងពិសេសការវាយបកគ្រាប់គ្នាទៅវិញទៅមករហូតទទួលបានជ័យជម្នះ។ យ៉ាងណាក៏សរសើរដល់ក្រុម ELT Berkeley ដែលមានកីឡាករឆ្វេងស្ដាំល្អស៊ុតច្បាស់។
យុវជនរៀននៅសាលាឫស្សីកែវខាងលើនេះបន្ថែមទៀតថា សប្បាយចិត្តនៅពេលដែលក្រុមរកគ្រាប់បាល់រហូតទទួលបានពានរង្វាន់ U-15 នេះ។ សម្រាប់ការប្រកួតនេះក្រុមទាំងមូលទទួលបានបទពិសោធច្រើន និងចង់ចូលរួមលេងពានរង្វាន់នេះបន្តទៀតនៅឆ្នាំក្រោយៗ។
ពានរង្វាន់យុវជន ៧ មករា នេះបង្កើតឡើងក្នុងគោលបំណងអបអរទិវាជ័យជម្នះ ៧ មករា ១៩៧៩ ផង និងជាការបង្កើតភាពរីករាយ បណ្ដុះភាពក្លាហាន និងស្មារតីស្រឡាញ់កីឡាដល់យុវជនក្មេងៗ។ ពានរង្វាន់ខាងលើនេះគឺធ្វើឡើងតែមួយថ្ងៃប៉ុណ្ណោះកាលពីថ្ងៃទី៧ មករា ២០២១ នៅតារាងបាល់ទាត់ ខេមបូឌាអ៊ែវ៉េ ៕
ចំពោះលទ្ធផល U-15៖
លេខ១ VDC Academy School
លេខ២ ELT Berkeley
លេខ៣ Prak Football Academy
