- 2022-01-07 00:45:00
- កីឡាផ្សេងៗ
វិស័យឯកជនកំពុងដើរតួយ៉ាងសំខាន់ក្នុងការជួយអភិវឌ្ឍន៍កីឡាទោចក្រយាន
- 2022-01-07 00:45:00
- ចំនួនមតិ 0 | ចំនួនចែករំលែក 0
វិស័យឯកជនកំពុងដើរតួយ៉ាងសំខាន់ក្នុងការជួយអភិវឌ្ឍន៍កីឡាទោចក្រយាន
ចន្លោះមិនឃើញ
សហព័ន្ធកីឡាទោចក្រយាន នឹងធ្វើការប្រកួតជើងឯកថ្នាក់ជាតិរបស់ខ្លួននៅថ្ងៃទី១១ ខែមករា ២០២១ នេះនៅឯខេត្តសៀមរាប ខណៈមានក្រុមហ៊ុនឯកជនច្រើនចូលរួមឧបត្ថម្ភទាំងថវិកា និងជំនួយផ្សេងៗ។
លោក នូ ចំរើន អគ្គលេខាធិការសហព័ន្ធបានឲ្យដឹងថា ការប្រកួតជើងឯកថ្នាក់ជាតិលើកនេះគឺជាការសាកល្បងផ្លូវផងត្រៀមស៊ីហ្គេម ២០២៣ ផង និងជាការពង្រឹងសមត្ថភាព ស្វែងរកធនធានកីឡាករ កីឡាការិនីថ្មីៗផង។
អគ្គលេខាធិការរូបនេះក៏មិនភ្លេចដែរចំពោះការឧបត្ថម្ភពីសំណាក់ក្រុមហ៊ុនឯកជននានាដែលទាំងនេះជាការរួមចំណែកយ៉ាងសំខាន់ដល់ការអភិវឌ្ឍន៍វិស័យកីឡាទោចក្រយានឲ្យរឹតតែមានភាពរីកចម្រើន និងឈានទៅរកភាពជោគជ័យលើឆាកអន្តរជាតិ។ លោកសង្ឃឹមថាការជួយឧបត្ថម្ភនេះនឹងមានជាបន្តបន្ទាប់ទៀត។
លោកស្រី ឈុន ណៃឈីវ តំណាង Herbalife ជាការរួមចំណែកដល់ការអភិវឌ្ឍន៍វិស័យកីឡានៅកម្ពុជាគឺក្រុមហ៊ុនរបស់លោកស្រីគឺតែងតែជួយឧបត្ថម្ភក្នុងនោះមានទាំងកីឡាហែលទឹករួចម្ដងហើយ។ ចំណែកខាងកង់នេះវិញក៏ជាលើកទី២ផងដែរ ហើយតទៅមុខនឹងបន្តជួយបន្ថែមទៀត។
សហព័ន្ធកីឡាទោចក្រយាន នឹងធ្វើការប្រកួតជើងឯកថ្នាក់ជាតិ ឆ្នាំ២០២១ របស់ខ្លួននៅខេត្តសៀមរាប ចាប់ពីថ្ងៃទី១១ ដល់ ១៣ ខែមករា។ ចំនួនកីឡាករ កីឡាការិនីចូលរួមឆ្នាំនេះខ្ទង់ ២០០នាក់។ ចំពោះថវិកាក្រុមហ៊ុននានាជួយឧបត្ថម្ភឆ្នាំនេះជាង ៣ម៉ឺនដុល្លារសម្រួលដល់ការរៀបចំការប្រកួត៕
