- 2021-12-31 06:45:16
- ប្រដាល់
រិទ្ធ ប៊ុនម៉ៅ ៖ បើសិនឲ្យខ្ញុំបានប៉ះ បេនលឿន ម្ដងទៀតធានាថានឹងឈ្នះ
- 2021-12-31 06:45:16
- ចំនួនមតិ 0 | ចំនួនចែករំលែក 0
រិទ្ធ ប៊ុនម៉ៅ ៖ បើសិនឲ្យខ្ញុំបានប៉ះ បេនលឿន ម្ដងទៀតធានាថានឹងឈ្នះ
ចន្លោះមិនឃើញ
កាលពីម្សិលមិញនេះអ្នកលេងកែង រិទ្ធ ប៊ុនម៉ៅ បានត្រឹមខកចិត្តដោយសារការចាញ់ពិន្ទុកីឡាករ ឡុង បេនលឿន ក្រោយបញ្ចប់ការប្រកួតយ៉ាងស្វិតស្វាញចំនួន៣ទឹក នៅសង្វៀន TVK Fighter កាលពីល្ងាចថ្ងៃទី៣០ ខែធ្នូ ឆ្នាំ២០២១ ។
ក្រោយការបរាជ័យនេះ ប៊ុនម៉ៅ បាននិយាយថា «បើសិនឲ្យខ្ញុំបានជួបជាមួយគេ (ឡុង បេនលឿន) មែន ខ្ញុំនឹងវ៉ៃឈ្នះមិនខាន។ សម្រាប់ក្ដីរំពឹងនោះគឺខ្ញុំមានរហូត៧០%បង»។ ក្រោយពេលសួរថា ហេតុអីបានប្រកួតនេះចាញ់ហើយមើលទៅហត់ម្ល៉េះ ប៊ុនម៉ៅ បានឆ្លើយថា មកពីខ្លួនធ្វើគីឡូច្រើនពី៦៩ មកវ៉ៃត្រឹម៦៥ គីឡូក្រាម។
យ៉ាងណាការប្រកួតបើទោះចាញ់ពិន្ទុមែនតែគេឃើញថា ឡុង បេនលឿន មានសភាពត្រូវខ្លាំងជាង ប៊ុនម៉ៅ ដោយសារផ្លែកែងរបស់ ប៊ុនម៉ៅ បានចាក់ចំក្រោមភ្នែករបស់ បេនលឿន ប៉ោងយ៉ាងខ្លាំងហើយមានឈាមតិចៗផងដែរ។ ទាក់ទងរឿងចង់ជួប បេនលឿន នេះដែរខាង បេនលឿន ផ្ទាល់ក៏បានប្រាប់មកកាន់ Sabay ដែរថា ខ្លួនស្វាគមន៍បានគ្រប់ពេលសំខាន់ឲ្យតែខាងស្ថានីយពេញចិត្តរៀបចំឲ្យគេបានប្រកួត។ ប្រសិនបើបានវ៉ៃនៅ TVK Fighter នេះទៀតកាន់តែល្អ ព្រោះជាសង្វៀនដែលធ្លាប់ជួបគ្នា។
ចំណុចខ្លាំងរបស់ ប៊ុនម៉ៅ ត្រូវ បេនលឿន រៀបរាប់ថា គឺល្អត្រង់ផ្លែកែងនោះឯងក្រៅពីនោះគឺធម្មតា។ ស្របពេលដែល បេនលឿន វិញ ក៏ត្រូវបាន ប៊ុនម៉ៅ រៀបរាប់ចំណុចល្អវិញដែរថា គឺល្អត្រង់ស៊ូសហ្នឹងតែម្ដង៕