- 2021-12-31 03:47:49
- ប្រដាល់
ឃីម បូរ៉ា និយាយម្សិលមិញថា ចង់ផ្ដួល វ៉ាន់ វឿន ឲ្យសន្លប់តែមិនអាចទៅរួច
- 2021-12-31 03:47:49
- ចំនួនមតិ 0 | ចំនួនចែករំលែក 0
ឃីម បូរ៉ា និយាយម្សិលមិញថា ចង់ផ្ដួល វ៉ាន់ វឿន ឲ្យសន្លប់តែមិនអាចទៅរួច
ចន្លោះមិនឃើញ
អ្នកលេងគុនខ្មែរល្អគ្រប់ក្បាច់ ឃីម បូរ៉ា យកបានត្រឹមឈ្នះពិន្ទុទៅលើអ្នកប្រដាល់ វ៉ាន់ វឿន ក្រោយការប្រកួតយ៉ាងស្វិតស្វាញពេញ៣ទឹកនៅសង្វៀន TVK Fighter របស់ស្ថានីយទូរទស្សន៍ ទទក កាលពីល្ងាចថ្ងៃទី៣០ ខែធ្នូ ឆ្នាំ២០២១ ម្សិលមិញនេះ។
ក្រោយឈ្នះពិន្ទុ បូរ៉ា បានប្រាប់មកកាន់ Sabay ថា ខ្លួនពិតជាចង់ផ្ដួល វ៉ាន់ វឿន ឲ្យសន្លប់មែនតែមិនអាចទៅរួច ព្រោះគេមើលឃើញថា ដៃគូរូបនេះល្អគ្រាន់បើ ពិសេសស៊ូសក៏ល្អថែមទៀតផង។ រូបគេពិតជាដឹងក្បាច់របស់ ៉វ៉ាន់ វឿន មែន ហើយអាចស្មានដឹងថា ដៃគូមួយនេះចូលចិត្តចេញអី ស្ទាយវ៉ៃរបៀបណា ទើបធ្វើឲ្យការប្រកួតមួយនេះ បូរ៉ា ស្ទើរតែគ្រប់គ្រងស្ថានការណ៍បានទាំងស្រុងតែម្ដង។
សម្រាប់ការប្រកួតម្សិលមិញរវាង បូរ៉ា និង វ៉ាន់ វឿន គឺប្រកួតក្នុងប្រភេទទម្ងន់ ៦០ គីឡូក្រាម ហើយគូនេះក៏ទទួលបានប្រាក់ឧបត្ថម្ភបន្ថែមពីលើប្រាក់តម្លៃខ្លួនម្នាក់ចំនួន១០០ដុល្លារអាមេរិកពីឯកឧត្តម ខៀវ កាញ៉ារីទ្ធ រដ្ឋមន្ត្រីក្រសួងព័ត៌មាន និងទទួលបាន១០០ដុល្លាបន្ថែមទៀតនាមជាគូជក់ចិត្តពីលោក ឃឹម វុទ្ធី អគ្គនាយកទូរទស្សន៍ជាតិកម្ពុជា៕