- 2021-12-20 02:00:53
- បាល់ទាត់
Klopp ដាក់បន្ទុកលើអាជ្ញាកណ្ដាលដែលធ្វើឱ្យ Liverpool ស្មើ Spurs
- 2021-12-20 02:00:53
- ចំនួនមតិ 0 | ចំនួនចែករំលែក 0
Klopp ដាក់បន្ទុកលើអាជ្ញាកណ្ដាលដែលធ្វើឱ្យ Liverpool ស្មើ Spurs
ចន្លោះមិនឃើញ
ក្រុមហង្សក្រហម Liverpool លេងបានត្រឹមស្មើជាមួយក្រុម Spurs ក្នុងលទ្ធផល ២-២ ប៉ុណ្ណោះសម្រាប់ការប្រកួតពានរង្វាន់ English Premier League នាយប់មិញ។
សម្រាប់ការប្រកួតនេះដែរពិតជាជក់ចិត្តមែនទែន ដោយសារតែក្រុមទាំងពីរមានគ្រាប់បាល់ប្រដេញគ្នា។ តែនៅចុងម៉ោងក្រោយពី Andy Robertson ទទួលបានកាតក្រហមទៅ ការប្រកួតក៏ចាប់ផ្ដើមក្ដៅ ហើយលោក Jurgen Klopp ក៏បាននិយាយដាក់បន្ទុកទៅលើអាជ្ញាកណ្ដាលខ្លាំង ដែលមិនព្រមផ្ដល់កាតក្រហមទៅឱ្យកីឡាករ Harry Kane គ្រាដែលរូបគេបានឈូសជើង Robertson តាំងពីដើមតង់មក។
លោក Klopp បាននិយាយថាលោកមិនយល់ថាអាជ្ញាកណ្ដាលមានបញ្ហាអ្វីជាមួយខ្លួនឡើយ។ ក្នុងការប្រកួតនេះ Kane សមបានកាតក្រហមដែលបើកបាតស្បែកជើងឈូសខ្លាំងនៅដើមតង់ទី១ តែត្រង់កន្លែងនេះអាជ្ញាកណ្ដាលផ្ដល់ត្រឹមកាតលឿង។ តែត្រង់ Robertson ប៉ះ Emerson Royal ពីក្រោយសោះ បែរជាផ្ដល់កាតក្រហមទៅវិញ។ អ្នកចាត់ការអាល្លឺម៉ង់ពិតជាមិនយល់ពីអាជ្ញាកណ្ដាលពិតមែន៕