- 2021-12-02 11:44:21
- បាល់ទាត់
Klopp ថា Salah ខឹងសម្បារនឹងលទ្ធផល ទោះឈ្នះនឹង Everton ៤-១ក្ដី
- 2021-12-02 11:44:21
- ចំនួនមតិ 0 | ចំនួនចែករំលែក 0
Klopp ថា Salah ខឹងសម្បារនឹងលទ្ធផល ទោះឈ្នះនឹង Everton ៤-១ក្ដី
ចន្លោះមិនឃើញ
អ្នកចាត់ការ Jurgen Klopp បានចេញមុខនិយាយទៅកាន់សារព័ត៌មានថា ខ្សែប្រយុទ្ធ Mohamed Salahបានបញ្ចេញសកម្មភាពខឹងសម្បារមិនសប្បាយនឹងលទ្ធផលនៅក្នុងបន្ទប់ផ្លាស់សំលៀកបំពាក់ក្រោយការប្រកួត ទោះជាជួយក្លឹប Liverpool ឲ្យឈ្នះនឹងក្លឹប Everton ៤-១ ទៅហើយក្ដី។
នៅក្នុងការប្រកួតខាងលើនេះ Salah បានស៊ុតបញ្ចូលទីរបស់ក្រុម Everton ២គ្រាប់ហើយ ដោយនៅនាទី១៩ និងនាទី៦៤ ដែលធ្វើឲ្យកីឡាករនេះបានស៊ុតចូលសរុប ១៩គ្រាប់ ក្នុង១៩ប្រកួតហើយក្នុងរដូវកាលនេះ។
ទាក់ទងនឹងរឿងនេះលោក Klopp ក៏បានបកស្រាយពីមូលហេតុដែលខ្សែប្រយុទ្ធអេហ្ស៊ីបរូបនេះមិនសប្បាយផងដែរគឺដោយសារតែ កីឡាករមួយនេះចង់ស៊ុតចូលមួយគ្រាប់ទៀត ដើម្បីទទួលបាន Hat Trick នៅក្នុងការប្រកួតខាងលើ ព្រោះថាឱកាសដែលគេអាចស៊ុតចូលមួយគ្រាប់ទៀតនេះគឺមានច្រើន។
ទោះជា Salah បញ្ចេញភាពមិនសប្បាយចិត្តនឹងលទ្ធផលយ៉ាងម៉េចក៏ដោយ អ្នកចាត់ការ Liverpool នៅតែសរសើររូបគេ និងក្រុមទាំងមូលថាធ្វើបានល្អខ្លាំងក្នុងការប្រកួតនឹង Everton នេះ៕