- 2021-11-26 11:45:48
- បាល់ទាត់
អតីតមេរបស់ Rangnickថា គ្រូតានេះមកដឹកនាំ Man Utd គឺដើម្បីតែលុយ មិនមែនចង់ឲ្យរីកចម្រើនឡើយ
- 2021-11-26 11:45:48
- ចំនួនមតិ 0 | ចំនួនចែករំលែក 0
អតីតមេរបស់ Rangnickថា គ្រូតានេះមកដឹកនាំ Man Utd គឺដើម្បីតែលុយ មិនមែនចង់ឲ្យរីកចម្រើនឡើយ
ចន្លោះមិនឃើញ
លោក Nikolai Naumov អតីតប្រធានក្លឹប Lokomotiv Moscowបានចោទប្រកាន់នៅក្នុងថ្ងៃនេះទៅកាន់លោក Ralf Rangnick បច្ចុប្បន្នជានាយកកីឡា និងទំនាក់ទំនងរបស់ក្លឹប Lokomotiv Moscow នេះដែលនឹងផ្លាស់ទៅធ្វើជាអ្នកចាត់ការបណ្ដោះអាសន្ន Manchester United ឆាប់ៗខាងមុខនេះថា លោក Rangnick នេះទៅផ្លាស់ទៅដឹកនាំក្លឹបបិសាចក្រហមគឺដើម្បីតែលុយទេ មិនមែនស្រលាញ់ចង់ឲ្យក្រុមនេះរីកចម្រើនទៅមុខឡើយ។
លោក Naumov បាននិយាយនៅក្នុងពេលសម្ភាសន៍ជាមួយសារព័ត៌មាន Match TV ថា៖" Rangnick ផ្លាស់ទៅហ្នឹងគឺមិនមែនដើម្បី Man Utd ឡើយ។ សម្រាប់ Rangnick គឺច្បាស់ណាស់គេមិនខ្វល់ការរត់គេច ក្បត់ពីទំនួលខុសត្រូវ ឬក៏ខ្លាចអាម៉ាស់ពេលធ្វើអញ្ចឹងទេ។ អ្វីទាំងអស់គេធ្វើជាមុខរបរ ជាជំនួញរបស់គេ ដើម្បីបានលុយច្រើន "។
លោកបានបន្តថា៖" គេពិតជាមិនខ្វល់ពីបាល់ទាត់សោះតែម្ដង ព្រោះតែធ្វើនេះគឺដើម្បីតែមុខរបរគេទេ។ អញ្ចឹងហើយបើមានក្រុមជម្រើសជាតិ លីគកំពូល ក្លឹបបាល់ទាត់ណាត្រូវកាគេកាន់កាប់មើលការខុសត្រូវកាន់តែច្រើន នោះគេនឹងរកលុយបានកាន់តែច្រើន។ និយាយទៅមិនខុសពីគេដឹកនាំ Lokomotiv នេះទេគឺគេមកនេះដើម្បីតែលុយទេ មិនមានចិត្តចង់ឲ្យរីកចម្រើនទេ "។
អតីតប្រធានក្លឹបរុស្ស៊ីនេះក៏បានបន្ថែមថា ឥឡូវនេះ Man Utd ឲ្យលុយច្រើនគេទៅដឹកនាំនៅហ្នឹង អញ្ចឹងគេនឹងផ្លាស់ទៅយកលុយហ្នឹងភ្លាម។ ដល់ពេលពេលខាងមុខទៅ ខាងអាហ្វ្រិកឲ្យ លុយគេច្រើនមកដឹកនាំ នោះគេនឹងទៅយកលុយកន្លែងផ្សេងទៀតនោះ ហើយចាកចោលក្រុមការងារនៅ Man Utd នេះតែម្ដង និយាយទៅគឺថារកស៊ីសុទ្ធតែម្ដង ស៊ីដាច់ សងដាច់ "។
បើតាមសារព័ត៌មានច្រើនចុះផ្សាយ នៅពេលដែល លោក Rangnick មកដឹកនាំ Man Utd នៅពេលខាងមុខនេះ អ្នកគាំទ្ររំពឹងថា កំពូលអ្នកដឹកនាំក្លឹបមានបទពិសោធន៍ច្រើនឆ្នាំនេះ នឹងជួយក្លឹបឲ្យទៅមុខ៕
ប្រភព៖ Fotmob