- 2021-11-08 02:19:04
- បាល់ទាត់
ទីបំផុត Arsenal ឡើងលើ United វិញហើយ ក្រោយមិនចាញ់សោះក្នុងលីគ៨ប្រកួត
- 2021-11-08 02:19:04
- ចំនួនមតិ 0 | ចំនួនចែករំលែក 0
ទីបំផុត Arsenal ឡើងលើ United វិញហើយ ក្រោយមិនចាញ់សោះក្នុងលីគ៨ប្រកួត
ចន្លោះមិនឃើញ
ក្លឹប Arsenal បានឡើងមកកាន់លេខ៥ក្នុងតារាងពិន្ទុ Premier League លើក្រុម Manchester United ក្រោយពួកគេបានយកឈ្នះ Watford ១-០ កាលពីយប់មិញ។
Bukayo Saka មានឱកាសបំប៉ោងសំណាញ់ទីនៅនាទីទី៧ ប៉ុន្តែក្រោយអាជ្ញាកណ្ដាលពិនិត្យ VAR បានសម្រេចមិនផ្ដល់ឲ្យបាល់នោះចូលឡើយ។ Arsenal នៅតែបន្តមានឱកាសដោយទទួលបានបាល់ប៉េណាល់ទីនាទី៣៦ តែ Aubameyang ធ្វើមិនបានសម្រេច។
ការប្រកួតត្រូវរងចាំដល់នាទី៥៦ទើប Emile Smith Rowe អាចរកគ្រាប់បានឲ្យកាំភ្លើងធំ ហើយក៏ជាគ្រាប់ជ័យជម្នះទទួលបាន៣ពិន្ទុតែម្ដង។ ឆ្លងកាត់ប្រកួតនេះ Arsenal បានឡើងមកកាន់លេខ៥ក្នុងលីគ លើ Man United ដែលកំពុងនៅលេខ៦ក្រោយចាញ់ Manchester City ២-០។ នេះគឺជាការឈ្នះ៨ប្រកួតជាប់គ្នាក្នុង Premier League សម្រាប់ Arsenal ក្រោមការដឹកនាំរបស់លោក Mikel Arteta៕