- 2021-11-05 07:28:01
- បាល់ទាត់
Arteta និយាយទាំងញញឹមពេលឃើញ Aubameyang វិលមកលេចធ្លោវិញ
- 2021-11-05 07:28:01
- ចំនួនមតិ 0 | ចំនួនចែករំលែក 0
Arteta និយាយទាំងញញឹមពេលឃើញ Aubameyang វិលមកលេចធ្លោវិញ
ចន្លោះមិនឃើញ
លោក Mikel Arteta អ្នកចាត់ការរបស់កាំភ្លើងធំ Arsenal ញញឹមបិទមាត់មិនជិត និងធ្វើការសរសើរខ្សែប្រយុទ្ធ Pierre-Emerick Aubameyang ថាមានការរីកចម្រើនច្រើន និងសក្តិសមឲ្យក្មេងៗយកគំរូតាម។
រដូវកាលមុនខ្សែប្រយុទ្ធវ័យ៣២ឆ្នាំរកបានត្រឹម១០គ្រាប់ប៉ុណ្ណោះឲ្យក្រុមកាំភ្លើងធំ ប៉ុន្តែរដូវកាលនេះគេអាចរកបាន៤គ្រាប់ហើយក្នុងចំណោមការបង្ហាញខ្លួន៨លើក។ ក្រោយឃើញពីភាពល្អប្រសើរឡើងវិញរបស់ខ្សែប្រយុទ្ធសញ្ជាតិ ហ្គាបុង Arteta បានបង្ហាញពីភាពសប្បាយរីករាយជាខ្លាំងជាមួយទម្រង់លេងរបស់កូនក្រុមខ្លួនខាងលើ។
អ្នកចាត់សញ្ជាតិអាហ្សង់ទីនខាងលើបន្ថែមថា ក្លឹបត្រូវការឲ្យ Pierre-Emerick Aubameyang រកគ្រាប់បាល់ឲ្យបានច្រើន ដើម្បីឲ្យរដូវកាលនេះក្លាយមកជារដូវកាលដ៏ល្អមួយរបស់កាំភ្លើងធំ។
កុងត្រារបស់ Pierre-Emerick Aubameyang ជាមួយកាំភ្លើងធំមានសុពលភាពដល់ថ្ងៃទី៣០ ខែមិថុនា ឆ្នាំ២០២៣។ កីឡាកររូបនេះក៏បានបង្ហាញខ្លួនពេញ៩០នាទីទល់ក្រុម Leicester City ដែលឈ្នះ ២-០ ក្នុងការប្រកួត English Premier League កាលពីសប្ដាហ៍មុនផងដែរ៕
