/folder-5/6178ad065b067_1635298560_medium.jpg)
- 2021-10-27 01:40:49
- បាល់ទាត់
Ancelotti ៖ Hazard មិនរបួសទេ តែខ្ញុំចង់ដាក់អ្នកផ្សេងលេងជាង
- 2021-10-27 01:40:49
- ចំនួនមតិ 0 | ចំនួនចែករំលែក 0
Ancelotti ៖ Hazard មិនរបួសទេ តែខ្ញុំចង់ដាក់អ្នកផ្សេងលេងជាង
ចន្លោះមិនឃើញ
លោក Carlo Ancelotti បាននិយាយថាខ្សែប្រយុទ្ធ Eden Hazard មិនមានបញ្ហារបួសទេ ប៉ុន្តែលោកមើលឃើញខ្សែប្រយុទ្ធស្លាបដទៃទៀតធ្វើបានល្អជាងនិងចង់ដាក់ឱ្យលេង។
Hazard កីឡាករទិញចូលថ្លៃរបស់ក្រុម Real Madrid មិនបានចូលលេងទេក្នុងការប្រកួតទល់ក្រុម FC Barcelona កន្លងទៅនេះ ដោយសូម្បីដូរចូលក៏អត់ដែរ។ កត្ដានេះ បានធ្វើឱ្យមានមតិដាក់ចម្ងល់ជាខ្លាំង ថាតើរបួសឬយ៉ាងណាបានជាមិនបានចូលលេងបែបនេះ? តែបើតាមចម្លើយរបស់អ្នកចាត់ការ Ancelotti ថា ខ្សែប្រយុទ្ធវ័យ៣០ឆ្នាំនេះមិនមានរបួសអ្វីទេ។
លោកជាអ្នកសម្រេចចិត្តមិនដាក់ឱ្យរូបគេចូលលេង ក៏ព្រោះតែមានកីឡាករដទៃទៀតធ្វើបានល្អជាង និងលោកចង់ដាក់កីឡាករនោះដើម្បីចូលប្រកួត។ អ្នកចាត់ការសំបូរបទពិសោធខាងលើបានបន្ថែមថា Hazard របួសច្រើនពេកដែលធ្វើឱ្យរូបគេមិនអាចបង្ហាញកម្រិតខ្ពស់បំផុតខ្លួនបាន ដែរនារដូវកាលនេះបន្ទាប់ពីជាសះស្បើយម្ដងបន្ដិចមក Hazard នឹងមានរដូវកាលល្អរបស់ខ្លួនត្រលប់មកវិញនាពេលខាងមុខមិនខាន៕
