អ្នកគាំទ្រ Barca នាំគ្នាព័ទ្ធរថយន្តលោក Koeman ក្រោយដឹកនាំចាញ់នៅ El Clasico

2021-10-25 01:45:07
បាល់ទាត់

2021-10-25 01:45:07
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការ Ronald Koeman ត្រូវបានអ្នកគាំទ្រ Barcelona ព័ទ្ធរថយន្តនៅខាងក្រៅកីឡដ្ឋាន Camp Nou ក្រោយលោកដឹកនាំក្រុមចាញ់ Real Madrid ក្នុងជំនួប El Clasico។

ក្នុងជំនួបដ៏ធំនៅលីគរបស់អេស្ប៉ាញ Barca បានប្រកួតចាញ់ Real Madrid ១-២។ ខ្សែការពារកណ្ដាលនិងជាចំណូលថ្មី David Alaba ជាអ្នករកគ្រាប់នាំមុខឲ្យ Madrid មុនពេល Lucas Vazquez ជាអ្នកបន្ថែមគ្រាប់ទីពីរ។ យ៉ាងណាមិញ ជិតនឹងបញ្ចប់ការប្រកួតទៅហើយកីឡាករបម្រុង Sergio Aguero បានប្ដូរចូលនិងរកបានមួយគ្រាប់សងវិញឲ្យ Barca។

បរាជ័យនេះបានធ្វើឲ្យក្រុមមានមូលដ្ឋានក្នុងតំបន់កាតាឡាន់ធ្លាក់ដល់លេខ៩ ខណៈ Madrid នៅលេខ២។ អ្នកចាត់ការសញ្ជាតិហុល្លង់ Koeman ត្រូវបានបន្ទោសដោយអ្នកគាំទ្រជាខ្លាំង ដោយសារតែចាប់ផ្ដើមរដូវកាលក្រុមមិនទទួលបានលទ្ធផលល្អសោះ។

ជាក់ស្ដែងកាលពីយប់មិញ អ្នកគាំទ្រទប់កំហឹងមិនបានពួកគេបាននាំចាំនៅខាងក្រៅកីឡដ្ឋាន Camp Nou ព័ទ្ធរថយន្តលោក Koeman តែម្ដង។ ប៉ុន្តែការព័ទ្ធនោះមិនបានធ្វើឲ្យរថយន្តឬលោកលល Koeman មានបញ្ហាអ្វីឡើយគ្រាន់តែអ្នកគាំទ្រស្រែកថាឲ្យពីក្រៅប៉ុណ្ណោះ៕