- 2021-10-15 11:30:57
- បាល់ទាត់
Bartomeuថា ជាកំហុសរបស់ Barca ដែលឲ្យ Messi ចាកចេញបាន
- 2021-10-15 11:30:57
- ចំនួនមតិ 0 | ចំនួនចែករំលែក 0
Bartomeuថា ជាកំហុសរបស់ Barca ដែលឲ្យ Messi ចាកចេញបាន
ចន្លោះមិនឃើញ
លោក Josep Maria Bartomeu អតីតប្រធានក្លឹប Barcelona បាននិយាយទៅកាន់សារព័ត៌មាន Mundo Deportivo នៅក្នុងថ្ងៃនេះក្រោយមើលឃើញលោក Joan Laporta មិនទុកខ្សែប្រយុទ្ធ Lionel Messi នៅក្លឹបដដែលនេះថា វាជាកំហុសរបស់ក្លឹបនេះ ដែលឲ្យខ្សែប្រយុទ្ធ Lionel Messi ចាកចេញពីក្លឹបបាន។
លោក Bartomeu បាននិយាយថា៖" ខ្ញុំតែងតែគិតរហូតមកថា វាពិតជាមានសារៈសំខាន់ណាស់ដែល Messi អាចនៅជាមួយយើង នេះមិនមែនមកពីគែជាកំពូលកីឡាករលំដាប់ថ្នាក់ពិភពលោកតែមួយមុខទេ តែដោយសារតែឥទ្ធិពលរបស់គេមកលើការជួយជ្រោមជ្រែងសេដ្ឋកិច្ចក្លឹប និងស្ថាប័នក្លឹបទាំងមូល "។
លោកបានបន្តថា៖" អញ្ចឹងហើយខ្ញុំគិតថា វាជាកំហុសរបស់ក្លឹប ដែលឲ្យ Messi ចាកចេញបាន ព្រោះគេជាអ្នកតំណាងសម្រាប់ក្លឹបនេះលើសពីកីឡាករបាល់ទាត់ "។
សូមរំលឹកផងដែរថា បើតាមការលើកឡើងរបស់លោក Joan Laporta កន្លងមកនេះ មូលហេតុដែលមិនអាចបន្តកុងត្រាថ្មីជាមួយ Messi បានព្រោះក្លឹបលោកជួបបញ្ហាវិបត្តិប្រាក់កាក់ដោយសារតែបញ្ហាកូវីដ-១៩ នៅតែបន្ត ហើយមួយទៀតគឺបញ្ហាច្បាប់ហិរញ្ញវត្ថុរបស់ La Liga គឺ Financial Fair Play ដែលមិនអនុញ្ញាតឲ្យក្លឹបដែលកំពុងខាតបង់ប្រាក់ដូច Barca ចំណាយលុយលើកីឡាករមានតម្លៃថ្លៃដូច Messi ដែលចុងក្រោយធ្វើឲ្យកំពូលខ្សែប្រយុទ្ធនេះផ្លាស់ទៅក្លឹប PSG ៕