- 2021-10-12 03:12:49
- បាល់ទាត់
មានតម្រុយ Hazard អាចមក Chelsea វិញ ក្រោយមានការពិភាក្សាក្រៅផ្លូវការ
- 2021-10-12 03:12:49
- ចំនួនមតិ 0 | ចំនួនចែករំលែក 0
មានតម្រុយ Hazard អាចមក Chelsea វិញ ក្រោយមានការពិភាក្សាក្រៅផ្លូវការ
ចន្លោះមិនឃើញ
ខ្សែបម្រើប្រយុទ្ធ Eden Hazard អាចនឹងត្រឡប់មកកាន់ Chelsea វិញ បន្ទាប់ពីក្លឹបបើកការពិភាក្សាក្រៅផ្លូវការជាមួយ Real Madrid លើកីឡាករសញ្ជាតិបែលហ្ស៊ិក។
Hazard បានចាកចេញពី Chelsea ចូលរួមជាមួយ Real Madrid ក្នុងតម្លៃខ្លួន១១៥លានអឺរ៉ូ ប៉ុន្តែគេមិនសូវបង្ហាញទម្រង់លេងល្អឡើយក្នុងទឹកដីប្រទេសអេស្ប៉ាញ។ កីឡាករវ័យ៣០ឆ្នាំបានអវត្តមានច្រើនជាងប្រកួតដែលគេលេងឲ្យ Madrid ទៅទៀត ដោយសារតែបញ្ហារបួស។
យោងតាមសារព័ត៌មានអេស្ប៉ាញ El Nacional បានរាយការណ៍ថា Chelsea បានចាប់ផ្ដើមចរចាក្រៅផ្លូវការរួចរាល់ហើយក្នុងការផ្លាស់កីឡាករសញ្ជាតិបែលហ្ស៊ិក។ ប្រធានក្លឹបរបស់តោខៀវលោក Roman Abramovich មានជំនឿចិត្តថា Hazard អាចវិលមកទម្រង់លេងល្អវិញ ពេលដែលត្រឡប់មកកាន់ Stamford Bridge។
Chelsea បានសាកសួរទៅកាន់លោក Florentino Perez ដែលជាប្រធានក្លឹបរបស់ Real Madrid ក្នុងការនាំ Hazard មកទីក្រុងឡុងដ៏វិញ ហើយកីឡាករខ្លួនឯងក៏នឹងអាចបើកការផ្ទេរនេះដែរ។ គិតត្រឹម៣រដូវកាលនេះ Hazard លេងទើបតែបាន៥១ប្រកួតឲ្យ Madrid៕