- 2021-09-23 11:51:16
- បាល់ទាត់
គ្រូ Metz ថា Mbappe ត្រូវកែចរិតចេញ ក្រោយបានឌឺដងដាក់អ្នកចាំទីខ្លួន បន្ទាប់ពី PSG ឈ្នះប្រកួត
- 2021-09-23 11:51:16
- ចំនួនមតិ 0 | ចំនួនចែករំលែក 0
គ្រូ Metz ថា Mbappe ត្រូវកែចរិតចេញ ក្រោយបានឌឺដងដាក់អ្នកចាំទីខ្លួន បន្ទាប់ពី PSG ឈ្នះប្រកួត
ចន្លោះមិនឃើញ
លោក Frederic Antonetti គ្រូបង្គោលក្លឹប Metz បាននិយាយនៅក្រោយចាញ់ការប្រកួតនឹងក្លឹប Paris Saint Germain ២-១ នៅថ្ងៃនេះថាខ្សែប្រយុទ្ធ Kylain Mbappe ត្រូវតែមានកែចរិតចេញ ប្រសិនបើចង់បានការគាំទ្រកាន់តែច្រើន។
នៅក្នុងការប្រកួតខាងលើខាង Metz បានស៊ុតចូលមួយគ្រាប់នៅនាទីទី៣៩ ដោយខ្សែការពារ Boubakar Kouyaté សម្រាប់ឯ PSG វិញស៊ុតចូល២គ្រាប់ដោយ Hakimi នៅនាទីទី៥ម្ដង និងនាទីទី៩០+៥ម្ដងទៀត។
ទាក់ទងនឹងមូលហេតុដែលឈានឲ្យគ្រូបង្គោលខាងលើនិយាយបែបនេះគឺដោយតែ Mbappe បានរត់ទៅឌឺដងដាក់អ្នកចាំទីរបស់លោក ក្រោយ Hakimi ស៊ុតបញ្ចូលទីនៅនាទីទី៩០+៥ ហើយអ្នកចាំទីរូបនេះក៏បានរករឿងរកខុសត្រូវផងដែរ ដែលជាហេតុនាំការរុញច្រានគ្នាទៅវិញមក ប៉ុន្តែខាងអ្នកចាំទីរូបនេះ ក៏ត្រូវបាន Neymar រុញឲ្យដួល។
ទាក់ទងនឹងរឿងខាងលើនេះ លោក Antonetti បាននិយាយថា៖" Kylian ត្រូវតែធ្វើម៉េចកែចរិតឲ្យល្អជាង បើចង់ទទួលបានការគាំទ្រច្រើនជាងនេះ។ ចំពោះខ្ញុំ ខ្ញុំស្រលាញ់គាំទ្រគេណាស់ គេពូកែហើយខ្លាំង ក៏គេកាន់តែល្អជាងនេះទៀត បើគេដូរចរិតឌឺដងអញ្ចឹងៗចេញ "។
នៅក្នុងការប្រកួតខាងលើខាងមេក្រុម Metz គឺខ្សែការពារ Dylan Bronn បានទទួលកាតក្រហមក្រោយបានច្រាន Neymar និងរកខុសត្រូវជាមួយអាជ្ញាកណ្ដាល សម្រាប់គ្រូបង្គោលក្លឹបនេះក៏ទទួលបានកាតក្រហមផងដែរ ដោយសារតែតវ៉ារឿងនេះ៕