- 2021-09-11 04:09:54
- បាល់ទាត់
Rio ថា Ronaldo នឹងរកបាន២៥ទៅ៣០គ្រាប់ឱ្យ Man Utd រដូវកាលនេះ
- 2021-09-11 04:09:54
- ចំនួនមតិ 0 | ចំនួនចែករំលែក 0
Rio ថា Ronaldo នឹងរកបាន២៥ទៅ៣០គ្រាប់ឱ្យ Man Utd រដូវកាលនេះ
ចន្លោះមិនឃើញ
Rio Ferdinand មានទំនុកចិត្តថាខ្សែប្រយុទ្ធ Cristiano Ronaldo នឹងរកគ្រាប់បាល់បានយ៉ាងតិច៣០គ្រាប់ឱ្យក្រុមបិសាចក្រហម Manchester United នារដូវកាលនេះ។
Ronaldo នឹងបង្ហាញវត្តមានលើទីលានឱ្យក្រុម Man Utd ប្រកួតទល់ក្រុម Newcastle United នៅម៉ោង៩យប់នេះសម្រាប់ការប្រកួតពានរង្វាន់ English Premier League ។ វត្ដមានតារាឆ្នើមវ័យ៣៦ឆ្នាំមក Old Trafford ជាលើកទី២នេះ ត្រូវបានអ្នកគាំទ្រជាច្រើនកំពុងទន្ទឹងរង់ចាំទស្សនាការលេងរបស់គេហើយ និងជឿជាក់ថារូបគេផ្ដល់ភាពវិជ្ជមានច្រើនដល់ក្រុមផងដែរ។
ជាក់ស្ដែងលោក Rio អតីតកីឡាករបិសាចក្រហម និងបច្ចុប្បន្នធ្វើការជាអ្នកវិភាគបាល់ទាត់នោះ បានបង្ហាញចំណាប់អារម្មណ៏ថា៖ “Cristiano មកលើនេះនឹងជួយក្រុមបានច្រើន។ កីឡាករក្មេងៗដសូចជា Greenwood និង Rashford នឹងមានឱកាសបានរៀនសូត្រពីរាមច្បងម្នាក់នេះ ថាត្រូវធ្វើយ៉ាងដើម្បីក្លាយជាកីឡាករកំពូលម្នាក់។ ខ្ញុំសង្ឃឹមថាគាត់នឹងរកបាន២៥ទៅ៣០គ្រាប់នៅរដូវកាលនេះ គ្រប់ការប្រកួតទាំងអស់។ បើសិនគាត់ធ្វើមិនបានទេ ខ្ញុំនឹងភ្ញាក់ផ្អើលហើយ”។
រំលឹកថាតាំងពីឆ្នាំ២០០៩គ្រាដែល Ronaldo ចាកចេញពី Man Utd ទៅនោះ មានតែ១រដូវកាលប៉ុណ្ណោះដែលរូបគេរកបានតិចជាង៣០គ្រាប់។ ដោយរដូវកាលនោះរូបគេលេងឱ្យក្រុម Juventus ឆ្នាំ២០១៨-១៩ រកបានត្រឹម២៨គ្រាប់ប៉ុណ្ណោះ។ រដូវកាលដែលរូបគេរកគ្រាប់បាល់បានច្រើនជាងគេដល់៦១គ្រាប់ គឺនៅឆ្នាំ២០១៤-១៥ លេងឱ្យ Real Madrid៕