- 2021-09-10 13:42:15
- បាល់ទាត់
បំបែកកំណត់ត្រា! អាវថ្មី Ronaldo នៅ Man Utd លក់បាន ២៦០លានដុល្លារ ក្នុងរយៈពេល១៤ថ្ងៃ
- 2021-09-10 13:42:15
- ចំនួនមតិ 0 | ចំនួនចែករំលែក 0
បំបែកកំណត់ត្រា! អាវថ្មី Ronaldo នៅ Man Utd លក់បាន ២៦០លានដុល្លារ ក្នុងរយៈពេល១៤ថ្ងៃ
ចន្លោះមិនឃើញ
អាវថ្មីលេខ៧ របស់ខ្សែប្រយុទ្ធ Cristiano Ronaldo នៅក្លឹប Manchester Untied លក់បានលុយសរុបជាង ២៦០លានដុល្លារទៅហើយ គិតចាប់ពីថ្ងៃទី២៧ ខែសីហា ឆ្នាំ២០២១មក ដែលជាថ្ងៃកីឡាករនេះត្រលប់មកក្លឹបអង់គ្លេសនេះវិញ។ បើយោងតាមការចុះផ្សាយរបស់ Givemesport នៅក្នុងថ្ងៃនេះ។
បើតាមការស្រាវជ្រាវរបស់ Lovethesales.com ក្លឹបបិសាចក្រហមខាងលើទទួលលុយចំណូល ៧%ពីទឹកលុយរាប់រយលានដុល្លារនេះ ពោលគឺចំនួនជាង ១៨ លានដុល្លារ ខណៈដែរក្លឹបនេះបានប្រើប្រាស់លុយជាង ១៧.៩លានដុល្លារប៉ុណ្ណោះ ក្នុងការទិញ Ronaldo ចូលសារជាថ្មីនេះ។
ទឹកប្រាក់លក់អាវ Ronaldo បានសរុបជាង ២៦០លានដុល្លារក្នុងរយៈពេល ២សប្ដាហ៍នេះ ជាទំហំលក់ដាច់ជាងគេបំផុតក្នុងប្រវត្តិសាស្ត្រក្នុង Premier League ក៏ដូចជាទំហំប្រាក់ចំណេញជាង ១៨លានដុល្លារនេះ ក៏ជាទំហំទឹកប្រាក់ចំណេញពីការលក់អាវច្រើនបំផុតផងដែរសម្រាប់ Man Utd ។
មិនតែប៉ុណ្ណោះ ទាំងទំហំទឹកប្រាក់បានពីការលក់អាវរបស់ Ronaldo ក៏ដូចប្រាក់ដែល Man Utd ទទួលបានពីការលក់នេះ គឺច្រើនជាងទំហំលក់អាវ Messi នៅ PSG ទៀតខណៈដែរអាវកីឡាករនេះទើបលក់បានសរុបជាង ១៤៤លានដុល្លារហើយក្លឹបបារាំងនេះចំណេញពីអាវនេះបានជាង ១០លានដុល្លារប៉ុណ្ណោះ មកទល់នឹងពេលនេះ។
Ronaldo អាចនឹងបង្ហាញមុខនៅក្នុងការប្រកួតតទល់នឹងក្លឹប Newcastle នៅថ្ងៃទី១១ ខែកញ្ញា ឆ្នាំ ២០២១ស្អែកនេះ៕