កក្រើកមិនខាន! ហុងប៉ះសេ ព្រមទទួលសំណើរលេង បី-បួន ឱ្យអ្នកសៀមរាបហើយ

2021-09-09 03:45:39
បាល់ទះ

2021-09-09 03:45:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លើបណ្ដាញសង្គមហ្វេសប៊ុកនាព្រឹកនេះ មានការបង្ហោះនិងចែករំលែកតគ្នាថា ក្រុមសៀមរាបមានបន្ទាយឈើ, តុង វាសនា, ឆ្លាំង និងធុន ចង់សាកថ្វីដៃជាមួយក្រុមបងប្អូនបង្កើតយុន, រាជ និងហុងប៉ះសេ ប៉ុន្តែត្រូវលេងនៅទឹកដីខេត្តសៀមរាប។

ក្រុមសៀមរាប៖ បន្ទាយឈើ, ស្នា, ឆ្លាំង, ធុន

ការចាប់គូនេះត្រូវបានអ្នកគាំទ្របាល់ទះមើលឃើញថា នឹងធ្វើឱ្យកក្រើកជក់ចិត្តជាក់ជាមិនខានឡើយ ព្រោះសុទ្ធតែកីឡាករល្អៗប្រចាំខេត្តសៀមរាប និងកីឡាករលំដាប់ៗស្រុកខ្មែរ។

បុរសម្នាក់ដែលមានឈ្មោះថា គង់ នៅ អភិរក្សកីឡាករបាល់ទះស្រុកខ្មែរ ជាអ្នកផ្គូរផ្គងចាប់គូនេះបានឱ្យដឹងថា ៖«បាទបង! សៀមរាបចង់ប៉ះបង តែសៀមរាបចង់ឱ្យទៅលេងនៅសៀមរាប»។

ការចង់ឱ្យទៅលេងនៅសៀមរាប ក្រុមរបស់លោក២ប្រកួតចុងក្រោយនេះចាញ់រហូត ដូច្នេះទើបលោកចង់ប្ដូរទឹកដី។ ក្រុមលោកដែលចាញ់ យុន រាជ និងលោកហុង មានបន្ទាយឈើ ស្មាលេខ៥ ក្ដីព្រៃវែង និងភាកងពល នៅខេត្តកំពតមួយលើក និងភ្នំពេញមួយលើក។

ចំពោះសំណើរនេះដែរ លោកហុងដែលជាអ្នកប៉ះសេរបស់យុនស្រែស្រែ អធិរាជប្រអប់ស្មាត់រាជ និងអធិរាជបោកបាំង រស់ ហាន់វ៉ា បានឆ្លើយតបយល់ព្រមហើយ ប៉ុន្តែត្រូវមានលក្ខខណ្ឌមួយ។

យុន ហុង និងរាជ

លោក ហុង បានបញ្ជាក់បែបនេះថា ៖«គូហ្នឹងប្រហែលជាគេចង់ជួបខ្ញុំហើយ ប៉ុន្តែខុសទឹកដី ខ្ញុំចង់ឱ្យលេងនៅតារាងខ្ញុំតារាងយុនរាជ។ ដោយសារតឱ្យគេបួនចឹង សុំឱ្យលេងទឹកដីខ្ញុំមក ហើយខ្ញុំស្វាគមន៍ឱ្យមកថ្ងៃណាខ្ញុំលេងឱ្យថ្ងៃហ្នឹង ប៉ុន្តែឱ្យផ្ដល់ព័ត៌មានមុន១ថ្ងៃ២ថ្ងៃមក»។

ចំពោះរឿងទឹកដីនេះក្រុមទាំងពីរហាក់ខ្លាចរអារៀងខ្លួន ក្រុមសៀមរាបចង់ឱ្យទៅលេងនៅសៀមរាប ចំណែកក្រុមលោកហុងចង់ឱ្យសៀមរាបមកលេងនៅខេត្តកំពត។

ទោះបីជាយ៉ាងណា ក្រុមទាំងពីរមិនទាន់ត្រូវរ៉ូវគ្នារឿងទីតាំងនៅឡើយទេ ដោយពួកគេកំពុងតែពិចារណាឬរកទឹកដីកណ្ដាលណាមួយ ដើម្បីឱ្យជំនួបដ៏កក្រើកនេះកើតឡើង៕

អត្ថបទ៖ អ៊ុំ សុភក្តិ