- 2021-09-01 05:00:14
- កីឡាផ្សេងៗ
អបអរសាទរ! កីឡាករជនពិការកម្ពុជា វ៉ាន វ៉ុន ឡើងវគ្គផ្ដាច់ព្រ័ត្រដណ្ដើមមេដាយប៉ារ៉ាឡាំពិក
- 2021-09-01 05:00:14
- ចំនួនមតិ 0 | ចំនួនចែករំលែក 0
អបអរសាទរ! កីឡាករជនពិការកម្ពុជា វ៉ាន វ៉ុន ឡើងវគ្គផ្ដាច់ព្រ័ត្រដណ្ដើមមេដាយប៉ារ៉ាឡាំពិក
ចន្លោះមិនឃើញ
កីឡាករកម្ពុជា វ៉ាន វ៉ុន លើវិញ្ញាសាប្រណាំងរទេះ T54 ចម្ងាយ ១០០ម៉ែត្រ គឺបានឈ្នះក្នុងវគ្គទី១ បានឡើងទៅវគ្គចុងក្រោយដើម្បីដណ្ដើមមេដាយហើយមុននេះក្នុងព្រឹត្តិការណ៍ប៉ារ៉ាឡាំពិកដែលកំពុងធ្វើឡើងនៅប្រទេសជប៉ុន។
បើតាមការបង្ហោះមុននេះលើផេកស្ថានទូតខ្មែរនៅប្រទេសជប៉ុន បានបញ្ជាក់ថា កីឡាករកម្ពុជា វ៉ាន វ៉ុន ដែលបានចូលរួមក្នុងព្រឹត្តិការណ៍ប៉ារ៉ាឡាំពិកនៅប្រទេសជប៉ុន គឺបានឡើងទៅវគ្គចុងក្រោយដែលជាវគ្គរកមេដាយហើយ។
វ៉ាន វ៉ុន នៅវគ្គទី១ ជាប់ចំណាត់ថ្នាក់ទី២ ដោយធ្វើបានថេរវេលា ១៤.៣៩វិទី។ ថេរវេលានេះដែរធ្វើឲ្យកីឡាករឆ្នើមរបស់កម្ពុជារូបនេះបានបំបែកកំណត់ត្រាចាស់ទៀតផង។ រង់ចាំមើលការប្រកួតវគ្គចុងក្រោយដណ្ដើមមេដាយនៅល្ងាចម៉ោង ៧.៣០នាទីយប់នេះបន្តទៀត។ តោះ! ចូលរួមលើកទឹកចិត្តកីឡាករ វ៉ាន វ៉ុន ទាំងអស់គ្នាល្ងាចនេះ។
រំលឹកដែរថា កីឡាករ វ៉ាន វ៉ុន ជាកីឡាករជនពិការមួយរូបគត់របស់កម្ពុជាដែលបានចូលរួមប្រជែងមេដាយក្នុងកម្មវិធីប៉ារ៉ាឡាំពិកដែលកំពុងធ្វើនៅឯប្រទេសជប៉ុននៅពេលនេះ៕