- 2021-08-27 08:41:34
- បាល់ទាត់
Rooney មិនជឿថា Ronaldo ចោលកេរ្តិ៍ឈ្មោះនៅ Man Utd ដើម្បីលេងឱ្យ Man City ទេ
- 2021-08-27 08:41:34
- ចំនួនមតិ 0 | ចំនួនចែករំលែក 0
Rooney មិនជឿថា Ronaldo ចោលកេរ្តិ៍ឈ្មោះនៅ Man Utd ដើម្បីលេងឱ្យ Man City ទេ
ចន្លោះមិនឃើញ
ខ្សែប្រយុទ្ធ Wayne Rooney នៅតែមិនជឿថាខ្សែប្រយុទ្ធ Cristiano Ronaldo សុខចិត្តចោលអ្វីដែលខ្លួនធ្លាប់បានសាងនៅ Manchester United ដើម្បីទៅចូលរួមជាមួយគូប្រជែងទីក្រុង Manchester City ឡើយ។
វាពិតជាបង្កភាពភ្ញាក់ផ្អើលមែននៅពេលដែលគ្រប់គ្នាបានដំណឹងថា Ronaldo នឹងចូលរួមជាមួយក្រុម Manchester City នោះ។ ខណៈដែលរូបគេធ្លាប់និយាយថាហើយខ្លួននឹងមិនទៅលេងនៅក្រុមមេឃខៀវឡើយ ព្រោះរូបគេធ្លាប់លេងឱ្យក្រុម Manchester United និងបង្កើតប្រវត្តិសាស្ត្រជាច្រើនក្នុងក្លឹបនេះ។ តែយ៉ាងណានៅរដូវកាលដោះដូរកីឡាករនេះ ប្រភពជាច្រើនសុទ្ធតែអះអាងដូចគ្នាថាអតីតកីឡាករ Real Madrid រូបនេះនឹងចេញពី Juventus ហើយកំពុងចរចាជាមួយ Man City ទៅហើយ។
សម្រាប់ Rooney វិញដែលជាអ្នកធ្លាប់លេងជាមួយ Ronaldo នៅ Old Trafford តាំងពីឆ្នាំ២០០៤ដល់២០០៩នោះ បានបង្ហាញចំណាប់អារម្មណ៏ថា៖ “ដោយស្មោះ ខ្ញុំមិនដឹងថាអ្វីដែលអាចធ្វើឱ្យវាកើតឡើងនើទេ។ ប្រសិនបើអ្នកកំពុងសួរខ្ញុំថាបើសិនអាចទៅរួច នោះខ្ញុំនឹងមានការសង្ស័យច្រើនណាស់ថានោះវានឹងអាចទៅរួចយ៉ាងមិច។ Cristiano ទទួលបានកេរដំណែលដ៏អស្ចារ្យនៅ United។ ខ្ញុំមិនគិតថាគាត់ផ្លាស់ទៅកន្លែងផ្សេងដោយសារតែហេតុផលហិរញ្ញវត្ថុនោះទេ។ ខ្ញុំដឹងថាគាត់មោទកភាពណាស់ក្នុងអាជីពជាកីឡាករនៅទីនេះ ខ្ញុំមិនអាចមើលឃើញថាគាត់ទៅ City ទេ ប៉ុន្តែវាជាបាល់ទាត់ ដូច្នេះអ្នកមិនដឹងមុនឡើយ”។
វីរបុរសបិសាចក្រហមខាងលើក៏បញ្ជាក់ថាសម្រាប់ខ្លួនគេវិញ ច្បាស់ណាស់គឺមិនអាចទៅលេងឱ្យក្រុម Liverpool ឬ Man City បានឡើយ តែកីឡាករដទៃមានការយល់ឃើញខុសគ្នា មិនអាចដូចគ្នាឡើយ៕