- 2021-07-23 02:20:04
- បាល់ទះ
ណារិទ្ធ ថា បើសិនចាប់បីនេះឲ្យជួប រាជ យុន និងវ៉ា វិញទំនងអាចល្អមើលខ្លាំងនិងកក្រើកស្រុកខ្មែរ
- 2021-07-23 02:20:04
- ចំនួនមតិ 0 | ចំនួនចែករំលែក 0
ណារិទ្ធ ថា បើសិនចាប់បីនេះឲ្យជួប រាជ យុន និងវ៉ា វិញទំនងអាចល្អមើលខ្លាំងនិងកក្រើកស្រុកខ្មែរ
ចន្លោះមិនឃើញ
កាលពីពេលថ្មីៗនេះមានប្រិយមិត្តជាច្រើនចង់ឃើញការប្រកួតរវាងក្រុមម៉េងហ៊ួង ចាប់ដៃគូជាមួយ ឌូក និង ប៊ន ណារិទ្ធ លេងទល់ក្រុមខ្លាំងលំដាប់ស្រុកខ្មែរ រាជ វ៉ា និង យុន បីស្មើ។ ប៉ុន្តែគូនេះត្រូវបានណារិទ្ធ ចេញមកបញ្ជាក់ហើយថា លេងមិនទាន់ខាងវ៉ាទេ ហើយមិនល្អមើលទៀតផង ផ្ទុយទៅវិញបើសិនចង់ឲ្យការប្រកួតមួយនេះកើតឡើងបានហើយល្អមើលដៃប៉ះសេរបស់ក្រសួងមហាផ្ទៃរូបនេះចង់ឲ្យចាប់បីខាងក្រោមនេះវិញ។
ណារិទ្ធ យល់ឃើញថា បើសិនចាប់ឲ្យខាងឌូក យក ធី ម៉េងហ៊ួង និង សុខ រ៉ាដូ (ហៅក្ដូ) លេងបីស្មើនេះទល់ខាង វ៉ា រាជ និង យុន គឺនឹងកក្រើកមិនខាន។ គេមើលឃើញថា បើយកម៉េងហ៊ួងចូលម្នាក់ទៀតអមដោយក្ដូផងចាប់សេវាបីនាក់ក៏បានពីរនាក់ក៏បាន ហើយមួយវិញទៀតមាន ម៉េងហ៊ួង ឈរវាយសេវាឲ្យឌូកបាំងពីរនាក់ក្ដូក៏បាន។ យ៉ាងណាគូនេះក៏មិនទាន់ប្រាកដថា អាចឈ្នះខាងវ៉ា យុន និងរាជ ដែរគ្រាន់តែគេគិតថាអាចល្អមើលខ្លាំង និងមានការប្រកួតប្រជែងគ្នាល្អមើល។
រំលឹកថា គូខាងយុន វ៉ា និងរាជ នេះពិបាករកគូលេងណាស់សម្រាប់៣ស្មើ ។ ដូចដែលប្រិយមិត្តឃើញស្រាប់ថា បីនាក់នេះឈរចាប់បីវ៉ៃកើតទាំងបីហើយបាំងវិញ វ៉ា និងរាជ ចាប់ដៃគ្នានេះដៃគូពិបាកវ៉ៃណាស់ ព្រោះពីរនាក់នេះជំនាញតែម្ដងក្នុងការធ្វើរនាំង។ បើនិយាយពីសេវាវិញ យុន ពេលនេះចោះរកចន្លោះច្បាស់ហើយធ្ងន់ទៀតដូច្នេះទើបពិបាករកដៃគូលេង ចំណុចដែលពិសេសមិនអាចមើលរំលងបានគឺបីនាក់យុន វ៉ា និងរាជ នេះលេងស៊ីចង្វាន់គ្នាមែនទែន៕