- 2021-07-22 02:51:17
- បាល់ទាត់
Marta និង Formiga កីឡាការិនីប្រេស៊ីល ជាប់កំណត់ត្រាមួយនៅអូឡាំពិក
- 2021-07-22 02:51:17
- ចំនួនមតិ 0 | ចំនួនចែករំលែក 0
Marta និង Formiga កីឡាការិនីប្រេស៊ីល ជាប់កំណត់ត្រាមួយនៅអូឡាំពិក
ចន្លោះមិនឃើញ
វីរការិនីបាល់ទាត់ប្រេស៊ីល Marta និង Formiga បានបង្កើតកំណត់ត្រានៅព្រឹត្តិការណ៍អូឡាំពិកហើយ បន្ទាប់ពីពួកគេចូលលេងប្រកួតជាមួយក្រុមចិនកាលពីម្សិលមិញនេះ។
វិញ្ញាសាបាល់ទាត់នារីក្នុងព្រឹត្ដិការណ៍អូឡាំពិកតូក្យួបានចាប់ផ្ដើមកាលពីម្សិលមិញនេះហើយ។ ក្នុងនោះក្រុមបាល់ទាត់នារីប្រេស៊ីលបានយកឈ្នះលើក្រុមចិនដល់ទៅ ៥-០ ឯណោះក្នុងការប្រកួតបើកឆាកសន្សំពិន្ទុតាមពូល។ ដោយក្នុងនោះ កីឡាករប្រេស៊ីល២នាក់បានបង្កើតកំណត់ត្រាថ្មីក្នុងព្រឹត្តិការណ៍អូឡាំពិកផងដែរ។
Marta វ័យ៣៥ឆ្នាំដែលរកបាន១១១គ្រាប់ឱ្យជម្រើសជាតិប្រេស៊ីល ក៏រកបានគ្រាប់បាល់ទល់ក្រុមចិនផងដែរ។ កីឡាការិនីរូបនេះ បានក្លាយជាកីឡាការិនីដំបូងគេដែលរកគ្រាប់បាល់បានក្នុងការប្រកួតអូឡាំពិក៥ដងជាប់គ្នាហើយ។ ខណៈដែលក្នុងព្រឹត្ដិការណ៍អូឡាំពិកនេះ រូបនាងរកបាន១២គ្រាប់គិតត្រឹមពេលនេះ។
ស្របពេលកីឡាការិនីម្នាក់ទៀត Formiga វ័យ៤៣ឆ្នាំនេះក៏បានបង្កើតកំណត់ត្រាផ្ទាល់ខ្លួនដែរ។ Formiga បានក្លាយជាកីឡាការិនីដំបូងគេអាចលេងនៅអូឡាំពិកបានដល់ទៅ៧ដងជាប់គ្នាហើយ។ ការបង្ហាញខ្លួនដំបូងរបស់កីឡាការិនីរូបនេះ គឺនៅ World Cup 1995 ត្រឹមវ័យ១៧ឆ្នាំ ហើយចាប់ពីពេលនោះមក គ្រប់កម្មវិធីអូឡាំពិកទាំងអស់តែងតែមានវត្តមាន Formiga រហូត៕