- 2021-07-21 07:55:20
- ប្រដាល់
សាមអេ ឡើងការពារខ្សែក្រវាត់ជាមួយ ប្រាចាន់ឆាយមកពីក្លឹបរបស់សែនឆ័យ
- 2021-07-21 07:55:20
- ចំនួនមតិ 0 | ចំនួនចែករំលែក 0
សាមអេ ឡើងការពារខ្សែក្រវាត់ជាមួយ ប្រាចាន់ឆាយមកពីក្លឹបរបស់សែនឆ័យ
ចន្លោះមិនឃើញ
ស្ថាប័នលំដាប់ពិភពលោក ONE Championship បានវិលត្រឡប់មកវិញក្នុងព្រឹត្តិការណ៍ប្រកួតឆមាសទី២នៃឆ្នាំ២០២១ហើយ។ ព្រឹត្តិការណ៍ដែលរៀបចំនៅកីឡដ្ឋាន Singapore Indoor Stadium មានឈ្មោះថា ONE: BATTLEGROUND នាថ្ងៃសុក្រ ទី៣០ ខែកក្កដា ចុងខែនេះដែលមានការប្រកួតដណ្តើមខ្សែក្រវាត់លំដាប់ពិភពលោក។
គូឯកប្រចាំកម្មវិធីតម្រូវលើ ម្ចាស់ខ្សែក្រវាត់ពិភពលោក ONE Strawweight ពីរប្រភេទកីឡាពោល ខ្លាចាស់កំពូលល្បិច Sam-A Gaiyanghadao ត្រូវឡើងការពារខ្សែក្រវាត់មួយថៃរបស់ខ្លួនទល់នឹងជើងខ្លាំង ទើបចុះកុងត្រាថ្មី និងជាមិត្តរួមជាតិថៃដូចគ្នា Prajanchai PK.Saenchai Muaythaigym។ Sam-A មានកំណត់ត្រាប្រកួតឈ្នះ ៣៧០ដង ចាញ់៤៧ដង និងស្មើ៩ដងដែលជាខ្លាចាស់ និងវីរុសបុរស មួយថៃម្នាក់។
បន្ទាប់ពីធ្លាប់គ្រងជើងឯកមួយថៃពិភពលោក ONE Flyweight កីឡាករខ្មែរសុរិន្ទរូបនេះបានទម្លាក់ទម្ងន់របស់ខ្លួនមកប្រកួតទម្ងន់ Strawweight។ បន្ទាប់មកគេឈ្នះជើងឯកខ្សែក្រវាត់ឃីកបុកសីងពិភពលោក ONE Strawweight ក្នុងខែធ្នូ ឆ្នាំ២០១៩ ហើយពីរខែក្រោយមកបានឈ្នះខ្សែក្រវាត់មួយថៃពិភពលោក ONE Strawweight។
កីឡាករមកពីក្លិប Evolve រូបនេះឡើការពារខ្សែក្រវាត់ពិភពលោកបានជោគជ័យដោយបានផ្តួលជើងខ្លាំងចំណាត់ថ្នាក់លេខ១ក្នុងតារាងចំណាត់ថ្នាក់ Josh “Timebomb” Tonna កាលពីខែតុលា។
ពេលនេះ អ្នកលេចមុខថ្មីមកពីក្លិប PK.Saenchai Muaythaigym ត្រូវបានគេចាត់ទុកជាតារាប្រដាល់មួយថៃដ៏ឆ្នើមម្នាក់ ដូច្នេះហើយទើបរូបគេមានឱកាសប្រកួតដណ្តើមខ្សែក្រវាត់ បន្ទាប់ពីចុះកុងត្រានៅសង្វៀនលំដាប់ពិភពលោកមួយ។ ជាមួយនឹងបទពិសោធន៍ឈ្នះ ៣៣៧ដង ចាញ់៥១ដង និងស្មើ៣ដង Prajanchai បានឈ្នះខ្សែក្រវាត់នៅសង្វៀន Lumpinee និង Rajadamnern ជាច្រើនមកហើយ មុនពេលបោះជំហានចូលសង្វៀន ONE។
កីឡាករអាយុ២៦ឆ្នាំត្រូវពាក់ស្រោមដៃគុនចម្រុះទម្ងន់៤អោនដើម្បីស្វែងរកខ្សែក្រវាត់ពិភពលោកបន្ថែមទៀត ហើយត្រូវបានគេចាត់ទុកជាផ្កាយគ្រោះម្នាក់ដល់អធិរាជសង្វៀនរៀមច្បងនៅចុងខែនេះ។
ព្រឹត្តិការណ៍ ONE: BATTLEGROUND ក៏មានវត្តមានការវិលត្រឡប់មកវិញរបស់វីរបុរសមីយ៉ាន់ម៉ា Aung La “The Burmese Python” N Sang និង Leandro “Wolf” Ataides ដែលអ្នកទាំងពីរសុទ្ធតែបរាជ័យដោយសារជើងខ្លាំង និងម្ចាស់ខ្សែក្រវាត់ថ្មីពីរគ្រឿង Reinier “The Dutch Knight” de Ridder។
ពស់ថ្លាន់ភូមា Aung La N Sang ជាជើងឯកពិភពលោកទី១របស់មីយ៉ាន់ម៉ា ប៉ុន្តែកាលពីប៉ុន្មានខែមុនខ្សែក្រវាត់ពិភពលោក២គ្រឿងរបស់គេធ្លាក់ទៅលើជើងខ្លាំងតែម្នាក់។ ដូច្នេះការវិលត្រឡប់មកវិញនេះគឺដើម្បីបើកផ្លូវឆ្ពោះទៅរកខ្សែក្រវាត់របស់ខ្លួនមកវិញ។
ចំណែក Ataides ជាជើងឯកជឺជីតស៊ូពិភពលោក៥សម័យកាលមុនពេលបោះជំហានចូលគុនចម្រុះ ប៉ុន្តែបន្ទាប់ពីទទួលបានជ័យជម្នះ១១លើក ការប្រកួតចុងក្រោយរូបគេចាញ់ De Ridder កាលពីខែកុម្ភៈ ឆ្នាំ២០២០ ដូច្នេះច្បាស់ណាស់រូបគេក៏រកផ្លូវទៅដណ្ដើមខ្សែក្រវាត់ផងដែរ។
វត្តមានតារាឆ្នើមៗជាច្រើននៅព្រឹត្តិការណ៍ ONE: BATTLEGROUND រួមមានកីឡាការិនីវ័យក្មេងទើបអាយុ១៧ឆ្នាំ Victoria “The Prodigy” Lee ក៏ត្រូវឡើងសង្វៀនជាលើកទី២ ហើយខ្លាញីឥណ្ឌា Ritu “The Indian Tigress” Phogat ក៏វិលមកវិញដែរ។ កីឡាករថៃជំនាញឃីកបុកសីង Sitthichai “Killer Kid” Sitsongpeenong ត្រូវជួប Tayfun “Turbine” Ozcan។
សមាសភាពគូប្រកួតទាំងអស់នៅ ONE: BATTLEGROUND ៖