- 2021-07-01 03:09:18
- កីឡាផ្សេងៗ
អ្វីទៅជាការបំផ្ទុះការផ្សព្វផ្សាយស៊ីហ្គេម ២០២៣...
- 2021-07-01 03:09:18
- ចំនួនមតិ 0 | ចំនួនចែករំលែក 0
អ្វីទៅជាការបំផ្ទុះការផ្សព្វផ្សាយស៊ីហ្គេម ២០២៣...
ចន្លោះមិនឃើញ
អគ្គលេខាធិការ CAMSOC ការបំផ្ទុះការផ្សព្វផ្សាយ ស៊ីហ្គេម និង ប៉ារ៉ាហ្គេម ២០២៣ គឺជាយុទ្ធនាការធ្វើការផ្សព្វផ្សាយផ្សេងៗឲ្យប្រជាជនកម្ពុជា និងបណ្ដាប្រទេសនានាបានដឹងថាកម្ពុជានឹងមានព្រឹត្តិការណ៍មួយនេះនៅពេលខាងមុខ។
ឯកឧត្ដម វ៉ាត់ ចំរើន អគ្គលេខាធិការនៃគណៈកម្មាធិការជាតិរៀបចំព្រឹត្តិការណ៍កីឡាអាស៊ីអាគ្នេយ៍ លើកទី៣២ (CAMSOC) សម្រាប់កិច្ចប្រជុំរួចហើយនៅសប្ដាហ៍នេះគឺពិនិត្យវឌ្ឍនភាពការងារគណៈកម្មការផ្សព្វផ្សាយ។ អ្នកជំនាញខាងកីឡាខាងលើនេះបន្ថែមទៀតថា យុទ្ធនាការបំផ្ទុះការផ្សព្វផ្សាយនេះគឺធ្វើឡើងមុនព្រឹត្តិការណ៍កើកឡើង២ឆ្នាំហើយឥលូវនេះដល់ពេលវេលាផងដែរ។យុទ្ធនាការផ្សព្វផ្សាយបំផ្ទុះព្រឹត្តិការណ៍ស៊ីហ្គេម និងប៉ារ៉ាហ្គេម ២០២៣ គឺបែងចែកក្នុងប្រទេស និងក្រៅប្រទេស។
ការផ្សព្វផ្សាយក្នុងប្រទេសគឺតាមរយៈទូរទស្សន៍ផ្សេងៗ។ ចំពោះការផ្សាយទៅក្រៅស្រុកគឺប្រើយន្តការការទូត ការបរទេសតាមរយៈស្ថានទូតខ្មែរនៅតាមប្រទេសតំបន់អាស៊ាន និងស្ថានទូតខ្មែរនៅបរទេសដែលមានប្រជាជនកម្ពុជារស់នៅទីនោះច្រើន។ ក្នុងនោះដែរ CAMSOC នឹងផលិតឧបករណ៍ វីដេអូផ្សេងៗដាក់ទៅស្ថានទូតបរទេសនៅស្រុកខ្មែរ។ មួយវិញទៀតក៏មានជាការផ្សព្វផ្សាយតាម Online ផងដែរដូចជាបណ្ដាញសង្គមជាដើម ការធ្វើបែបនេះគឺរឹតតែឲ្យមានគុណតម្លៃ រឹតតែឲ្យមានការគាំទ្រ និងជាការទទួលបានគាំទ្រឧបត្ថម្ភព្រឹត្តិការណ៍កាន់តែច្រើន។
រំលឹកដែរថា គណៈកម្មាធិការជាតិរៀបចំព្រឹត្តិការណ៍កីឡាអាស៊ីអាគ្នេយ៍ និង ប៉ារ៉ាហ្គេម លើកទី៣២ (CAMSOC) តែងតែបើកកិច្ចប្រជុំពិនិត្យជាមួយគណៈកម្មការជំនាញផ្សេងៗ។ កិច្ចប្រជុំប្រជុំនេះដឹកនាំដោយឯកឧត្ដម ថោង ខុន រួមនិងអគ្គលេខាធិការឯកឧត្ដម វ៉ាត់ ចំរើន៕
