ប្រភពមួយទម្លាយថា តា Perez ជាហេតុផលពីក្រោយចង់ឲ្យ Ramos ចេញពី Real

2021-06-17 07:10:05
បាល់ទាត់

2021-06-17 07:10:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿងភ្ញាក់ផ្អើលកាលពីព្រឹកមិញដោយសារព័ត៌មាន Sergio Ramos បានសម្រេចចិត្តចាកចេញពី Real Madrid ក្រោយលេងអស់រយៈពេល១៦ឆ្នាំ។

Ramos បានផ្លាស់ពីក្លឹប Sevilla មកលេងឲ្យ Real Madrid កាលពីឆ្នាំ២០០៥។ ក្នុងទឹកដីកីឡដ្ឋាន Santiago Bernabeu គេបានជួយក្រុមឈ្នះពានចំនួន២២។ ពេលមកដល់ Madrid ដំបូងបំណងប្រាថ្នារបស់គេគឺចង់ក្លាយជាប្រធានក្រុមនិងវីរបុរសរបស់ក្រុម។

នៅចំណុចខ្លះ Ramos ក្លាយជាមនុស្សមានឥទ្ធិពលម្នាក់ក្នុងក្លឹប Real Madrid តែលោក Perez ជាមនុស្សចង់បានអំណាចខ្លាំងជាងគេ។ អ្នកសរសេរព័ត៌មានរបស់អេស្ប៉ាញម្នាក់ឈ្មោះថា Guillen Balague ទម្លាយឲ្យដឹងថា តា Perez ចង់ឲ្យ Ramos ចេញ ដូចពេលដែលគាត់ចង់ឲ្យ Ronaldo ចេញដូចគ្នា។

Ramos ជាមនុស្សដែលមានឥទ្ធិពលទាំងក្នុងនិងក្រៅទីលាន ប៉ុន្តែកន្លងទៅ Perez មិនទាន់រកវិធីឲ្យគេអាចចេញបានលឿននោះទេ។ តែពេលនេះ Perez មានលេសមួយចំនួនដូចជា Ramos មានវ័យ៣៥ឆ្នាំ, លេងបានតែ៧ប្រកួតក្នុងឆ្នាំ២០២១ និងមានបញ្ហារបួស។ Perez ចង់តកុងត្រាឲ្យមួយឆ្នាំទៀត តែ Ramos ទាមទារ២ឆ្នាំ។

ទាំងនេះគឺជាលេសដែល Perez ចង់បានដោយសារភាពចរចាគ្នាមិនត្រូវ ធ្វើឲ្យ Ramos មិនសប្បាយចិត្តរួចក៏សម្រេចចិត្តចាកចេញទៅ។ ប្រភពបន្តថា ខ្សែការពារកណ្ដាលរូបនេះចង់ទៅលេងនៅ Premier League ប៉ុន្តែបើមិនសម្រេចដូចបំណងអាចនឹងទៅអាមេរិកវិញ។ កុងត្រារបស់ Ramos ជាមួយ Madrid នឹងអស់ពេលបញ្ចប់ខែមិថុនានេះ៕

ប្រភព៖ BBC ប្រែសម្រួល៖ ហេង សុធារិទ្ធិ