- 2021-05-20 12:27:14
- បាល់ទាត់
Kane៖ ខ្ញុំចង់លេងល្អដូច Ronaldo និង Messi ហើយឈ្នះពានរាល់ឆ្នាំ
- 2021-05-20 12:27:14
- ចំនួនមតិ 0 | ចំនួនចែករំលែក 0
Kane៖ ខ្ញុំចង់លេងល្អដូច Ronaldo និង Messi ហើយឈ្នះពានរាល់ឆ្នាំ
ចន្លោះមិនឃើញ
ខ្សែប្រយុទ្ធអង់គ្លេស Harry Kane បាននិយាយកម្មវិធីមួយនៅក្នុងបណ្ដាញសង្គម Youtube នៅក្នុងថ្ងៃនេះថា ខ្លួនចង់មានទម្រង់លេងដល់កម្រិត ខ្សែប្រយុទ្ធព័រទុយហ្គាល់ Cristiano Ronaldo និងខ្សែប្រយុទ្ធអាហ្សង់ទីន Lionel Messi។
កីឡាកររូបនេះបានលើកឡើងថា៖ " ខ្ញុំមិនខ្លាចនឹងនិយាយថា 'ខ្ញុំចង់ក្លាយជាកីឡាករឆ្នើមជាងគេ'។ ខ្ញុំព្យាយាមឲ្យដល់កម្រិត Ronaldo និង Messi។ នេះជាគោលដៅរបស់ខ្ញុំ ហើយខ្ញុំចង់ឈ្នះពានគ្រប់រដូវកាល ក៏ដូចជាស៊ុត ៥០, ៦០, ៧០គ្រាប់រាល់ឆ្នាំ " ។
Kane បានបន្តថា៖ " សម្ពាធមកពីខ្ញុំខ្លួនឯង ខ្លាំងជាងសម្ពាធមកពីក្រៅទៅទៀត " ។
កាលពីពេលថ្មីៗនេះ លេចឮដំណឹងមួយចំនួនថា Kane មានបំណងចាកចេញពីក្លឹប Tottenham Hotspur។ ពាក់ព័ន្ធនឹងរឿងនេះដែរ Kane បាននិយាយថា ខ្លួនមិនចង់បញ្ចប់អាជីពទៅដោយភាពសោកស្ដាយទេ ហើយខ្លួនក៏មិនដែលនិយាយថា ខ្លួននៅ Spurs រហូត ឬ ក៏ចាកចេញពី Spurs ដែរ។
ខ្សែប្រយុទ្ធរូបនេះតាំងពីលេងនៅ Spurs ឈុតធំពេញស៊ប់មក រកគ្រាប់បាល់មួយឆ្នាំៗក្បែរៗ ៣០គ្រាប់គ្រប់កម្មវិធីរបស់ក្លឹប។ រដូវកាល២០១៧/១៨ ជារដូវកាល ដែលគេរកបានច្រើនគ្រាប់បំផុត ដោយរកបាន ៤១គ្រាប់ ខណៈរដូវកាលនេះគេរកបាន ៣២គ្រាប់ ក្នុង ៤៧ប្រកួត៕