- 2021-05-05 01:52:04
- បាល់ទាត់
ខ្សែការពារ Man City លេងល្អដូចផ្កា បិទមិនឲ្យ PSG ទាត់ចំគោលដៅសូម្បីមួយជើង
- 2021-05-05 01:52:04
- ចំនួនមតិ 0 | ចំនួនចែករំលែក 0
ខ្សែការពារ Man City លេងល្អដូចផ្កា បិទមិនឲ្យ PSG ទាត់ចំគោលដៅសូម្បីមួយជើង
ចន្លោះមិនឃើញ
Manchester City បង្ហាញទម្រង់ការពារល្អមែនទែន ដោយបិទមិនឲ្យ Paris St-Germain ទាត់ចំគោលដៅសូម្បីមួយជើង ក្នុងការប្រកួត Champions League កាលពីយប់មិញ។
Man City បានឡើងវគ្គផ្ដាច់ព្រ័ត្រ UCL ជាលើកដំបូងក្នុងប្រវត្តិសាស្រ្ដរបស់ខ្លួន ក្រោយយកឈ្នះជើងទីពីរ ២-០ លើ PSG។ សរុបការលេងទាំងពីរជើង ឃើញថា ក្រុមរបស់លោក Pep Guardiola យកឈ្នះក្រុមលោក Mauricio Pochettino ៤-១។
មើលតាមស្ថិតិការប្រកួតយប់មិញ ខ្សែការពាររបស់ City សហការគ្នាបានល្អណាស់ទប់មិនឲ្យ PSG ទាត់ចំគោលដៅមួយជើងឡើង ខណៈពួកគេទាត់ចំគោលដៅ៥ជើង។ អតីតកីឡាករ City ហើយបច្ចុប្បន្នជាអ្នកវិភាគ Joleon Lescottយល់ឃើញថា ការពង្រឹងតំបន់ការពាររបស់ City រដូវកាលនេះ ជាកត្តាធំជួយក្រុមឡើងដល់ផ្ដាច់ព្រ័ត្រ។
ក្នុងការប្រកួតទល់ PSG ខ្សែការពាររបស់ Man City បានបិទ (Block) ការស៊ុតចំនួន៩ដង និងទាត់បាល់ផ្ដាច់ចេញ២២លើក។ ខ្សែការពាររបស់ City គឺ Ruben Dias ត្រូវបានជាប់ឈ្មោះជាកីឡាករលេងល្អប្រចាំការប្រកួតនេះ៕