- 2021-05-03 02:40:27
- បាល់ទាត់
កែវ សារ៉ាត ថា បើបានជាប់ជម្រើសជាតិគ្រប់គ្រាន់ហើយ មិនប្រាថ្នាខ្ពស់ពេកទេ
- 2021-05-03 02:40:27
- ចំនួនមតិ 0 | ចំនួនចែករំលែក 0
កែវ សារ៉ាត ថា បើបានជាប់ជម្រើសជាតិគ្រប់គ្រាន់ហើយ មិនប្រាថ្នាខ្ពស់ពេកទេ
ចន្លោះមិនឃើញ
ខ្សែការពារកណ្ដាលរបស់ Angkor Tiger កែវ សារ៉ាត ថា សម្រាប់ការចាប់អាជីពបាល់ទាត់បានជាប់ជម្រើសជាតិជាក្ដីស្រមៃធំបំផុតរបស់ខ្លួន ពោលមិនហ៊ានប្រាថ្នាខ្ពស់ពេកទេ។
កូនប្រុសច្បង និងអ្នកខេត្តស្វាយរៀងរូបនេះបានចាប់អាជីពលេងបាល់ទាត់ដំបូងនៅឆាំ២០១១ ដោយលេងឲ្យឈុតយុវជនក្រោមអាយុ ១៣ ឆ្នាំឲ្យក្រុមមួយក្នុងខេត្តស្វាយរៀង។ ក្នុងការផ្ទេរមកកាន់អាស៊ីអឺរ៉ុបឆ្នាំ២០១៧-២០១៨ ក្នុងលក្ខណខ្ចីជើង សារ៉ាត បានសម្រេចគោលដៅមួយកម្រិត ប៉ុន្តែគេមានក្ដីស្រមៃធំបំផុតរបស់ខ្លួន គឺចង់ជាប់ជម្រើសជាតិកម្ពុជាឲ្យបានម្ដងយ៉ាងហោច។
យុវជនវ័យ២០ឆ្នាំរូបនេះធ្លាប់ធ្វើតេស្តជាប់ដំណាក់កាលដំបូងៗ ជាមួយ U22 កម្ពុជារួចហើយ ប៉ុន្តែបានប្ដេជ្ញាថា និងសម្រេចគោលដៅដែលនៅសល់ឲ្យបាន ដោយការប្រឹងប្រែងដោយខ្លួនឯងបំពេញរាល់ចំណុចខ្វះខាតដែលនៅសល់។
ក្នុងការចាប់អាជីពឆ្នាំ២០១១ លេងឲ្យយុវជនក្រោមអាយុ ១៣ ឆ្នាំរបស់ក្រុមមួយនៅខេត្តស្វាយរៀង។ ក្រោយមកដល់ឆ្នាំ២០១៦ គេក៏បានជាប់ឈុតយុវជនក្រោមអាយុ១៨ឆ្នាំស្វាយរៀង ដល់ឆ្នាំ២០១៧-២០១៨ គេក៏ត្រូវបានលោក សុខ វាសនា ខ្ចីជើងមកកាន់អាស៊ីអឺរ៉ុប ដល់ឆ្នាំ២០១៩អាស៊ីអឺរ៉ុបទិញដាច់ និងចុងក្រោយដល់ឆ្នាំ២០២០ ក៏ផ្ទេរមកកាន់ Tiger៕
